SUN குழுமத்திலிருந்து வெளிவரும் காலை நாளிதழ்

மதுபழக்கத்தை கண்டித்ததால் வாலிபர் தூக்கிட்டு தற்கொலை; போலீசார் விசாரணை

9/27/2022 3:32:33 AM

ஆவடி, செப். 27: ஆவடி பிள்ளையார் கோயில் தெரு பகுதியை சேர்ந்தவர் லட்சுமி (55). இவருக்கு ஒரு மகள்,  கார்த்திக்(26) என்ற ஒரு மகன் உள்ளனர். மகளுக்கு திருமணமாகி படப்பையில் வசித்து வருகிறார். கார்த்திக் கார் டிரைவராக பணியாற்றி வருகிறார். நேற்று முன்தினம், மகாளய அமாவாசையை முன்னிட்டு,  தனது தந்தைக்கு திதி கொடுத்துவிட்டு சாப்பிடாமல், வேலைக்கு சென்றார்.  பின்னர், அவர் அளவுக்கு அதிகமாக குடித்துவிட்டு, போதை தலைக்கேறிய நிலையில் வீட்டுக்கு வந்தார். மகாளய அமாவாசை அன்று, மகன் குடித்துவிட்டு வந்ததால் ஆத்திரமடைந்த லட்சுமி அவரை கண்டித்துள்ளார்.

இதனால்,  மன உளைச்சல் அடைந்த கார்த்திக் தனது அறைக்கு சென்று கதவை தாழிட்டு கொண்டார். இந்நிலையில், வெகு நேரமாகியும் கதவு திறக்காததால், சந்தேகமடைந்த லட்சுமி ,அக்கம்பக்கத்தினர் உதவியுடன் கதவை உடைத்துக்கொண்டு உள்ளே சென்று பார்த்தார். அப்போது கார்த்திக் மின்விசிறியில் தூக்கிட்டு தற்கொலை செய்து கொண்டது தெரியவந்தது. இதைபார்த்து, அதிர்ச்சியடைந்த அவர் கதறி அழுதார். தகவலறிந்த ஆவடி போலீசார் சம்பவ இடத்துக்கு விரைந்து, சடலத்தை மீட்டு, பிரேத பரிசோதனைக்காக கீழ்ப்பாக்கம் அரசு மருத்துவமனைக்கு அனுப்பி வைத்தனர். மேலும், இதுதொடர்பாக வழக்கு பதிவு செய்து விசாரணை மேற்கொண்டு வருகின்றனர்.

மேலும் செய்திகள்

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்