SUN குழுமத்திலிருந்து வெளிவரும் காலை நாளிதழ்

ராமேஸ்வரம் கோயிலில் நவராத்திரி உற்சவம்

9/27/2022 2:44:25 AM

ராமேஸ்வரம், செப்.27: ராமேஸ்வரம் கோயில் நவராத்திரி உற்சவம் நேற்று மாலை துவங்கியது. பர்வதவர்த்தினி அம்பாள் அன்னபூரணி அலங்காரத்தில் கொலுவில் எழுந்தருளி பக்தர்களுக்கு அருள் பாலித்தார். ராமேஸ்வரம் ராமநாதசுவாமி கோயிலில் நேற்று நவராத்திரி உற்சவத் திருவிழா துவங்கியது. இதையொட்டி நேற்று கோயில் அம்பாள் சன்னதியில் ஸ்ரீ சக்கரத்திற்கு சிறப்பு அபிஷேகம், பூஜைகள் செய்து பக்தர்களுக்கு பிரசாதம் வழங்கப்பட்டது. நேற்று மாலை பர்வதவர்த்தினி அம்பாள் சன்னதியில் நவராத்திரி உற்சவம் துவங்கியது.
இதையொட்டி நேற்று மாலை 6.30 மணிக்கு பர்வதவர்த்தினி அம்பாள் அன்னபூரணி அலங்காரத்தில் கொலு மண்டபத்திற்கு எழுந்தருளி கொலுவில் இருந்து பக்தர்களுக்கு அருள் பாலித்தார்.
தொடர்ந்து அம்பாளுக்கு சிறப்பு தீபாராதனை செய்து பக்தர்களுக்கு பிரசாதம் வழங்கப்பட்டது. பெண்களும் சிறுவர்களுமாக ஏராளமான பக்தர்கள் அம்பாளை தரிசித்து கொலுவில் வைக்கப்பட்டிருந்த தத்ரூபமான கொலு பொம்மைகளை பார்த்து ரசித்தனர்.நவராத்திரி உற்சவத்தின் இரண்டாம் நாளான இன்று மாலை பர்வதவர்த்தினி அம்பாள் மகாலெட்சுமி அலங்காரத்தில் கொலுவில் எழுந்தருளல் நடைபெறும்.

மேலும் செய்திகள்

Like Us on Facebook Dinkaran Daily News
  • om-mathan-kark

    சாதனை படைக்க வயசு தடை இல்லை: எவரெஸ்ட் அடிவாரத்துக்கு நடந்தே சென்று சாதித்த 6 வயது சிறுவனின் சாகச பயணம்..!

  • landslide-colombia

    கொலம்பியாவில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 33 அதிகரிப்பு..!

  • tirupati-murmu-5

    திருப்பதி ஏழுமலையான் கோவிலில் குடியரசு தலைவர் திரௌபதி முர்மு சுவாமி தரிசனம்..!!

  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

படங்கள் வீடியோ கல்வி சினிமா ஜோ‌திட‌ம்