SUN குழுமத்திலிருந்து வெளிவரும் காலை நாளிதழ்

Dinakaran Daily news

வீட்டின் கதவை உடைத்து 55 பவுன் நகை கொள்ளை

9/24/2022 5:54:46 AM

பள்ளிபாளையம், செப்.24: பள்ளிபாளையம் அருகே, வீட்டின் கதவை உடைத்து பீரோவில் இருந்த 55 பவுன் நகைகளை மர்ம நபர்கள் கொள்ளையடித்து சென்ற சம்பவம் குறித்து போலீசார் விசாரணை நடத்தி வருகின்றனர். நாமக்கல் மாவட்டம், பள்ளிபாளையம் அடுத்துள்ள தாஜ்நகரை சேர்ந்தவர் சந்திரசேகரன்(67). தனியார் சர்க்கரை ஆலையில் பணியாற்றி ஓய்வு பெற்ற இவரது மகன் அமெரிக்காவில் பணிபுரிகிறார். மகள் திருமணமாகி கோவையில் வசிக்கிறார். இதனால், சந்திரசேகரன் தாஜ்நகர் வீட்டில், மனைவி பார்வதியுடன் வசித்து வருகிறார்.

மருத்துவ பரிசோதனைக்காக, சந்திரசேகரன் கடந்த 14ம் தேதி கோவைக்கு சென்றார். பரிசோதனை முடிந்து கோவையில் மகள் வீட்டில் தங்கியிருந்த இருவரும், நேற்று முன்தினம் (22ம்தேதி) தாஜ்நகர் திரும்பினர். வீட்டின் கதவை திறந்து உள்ளே சென்றவர்களுக்கு அதிர்ச்சி காத்திருந்தது. மர்ம நபர்கள் வீட்டின் பின் கதவை உடைத்து உள்ளே புகுந்து, பீரோவில் வைத்திருந்த 55 பவுன் நகைகளை கொள்ளையடித்துச் சென்றது தெரியவந்தது. இதுகுறித்து பள்ளிபாளையம் போலீசில் சந்திரசேகர் புகாரளித்தார். வழக்கு பதிவு செய்த இன்ஸ்பெக்டர் சந்திரகுமார், சந்திரசேகர் வீட்டிற்கு சென்று விசாரணை மேற்கொண்டார். கைரேகை, தடயவியல் நிபுணர்கள் தடயங்களை பதிவு செய்தனர். இதுகுறித்து போலீசார் விசாரணை நடத்தி வருகின்றனர்.

மேலும் செய்திகள்

Dinakaran Daily news
Like Us on Facebook Dinkaran Daily News
  • brazil-rain-landslide-2

    தொடர் மழையால் அதிரும் பிரேசில்!: நீரில் அடித்து செல்லப்பட்ட வாகனங்கள்.. நிலச்சரிவில் சிக்கி 2 பேர் பலி..!!

  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

படங்கள் வீடியோ கல்வி சினிமா ஜோ‌திட‌ம்