பண்ருட்டி, செப். 24:  பண்ருட்டி நகரத்தில் ஆட்டோக்கள் அதிக அளவு செல்கின்றன. ஒவ்வொரு ஆட்டோ உரிமையாளர்கள் முறையாக ஆவணம் இன்றி ஓட்டி வருகின்றனர். இதனை கருத்தில் கொண்டு மாவட்ட ஆட்சியர், கடலூர் வட்டார போக்குவரத்து அலுவலர் சுதாகர் ஆகியோரின் அறிவுரையின்படி நேற்று பண்ருட்டி மோட்டார் வாகன ஆய்வாளர் ரவிச்சந்திரன், போக்குவரத்து ஆய்வாளர் பரமேஸ்வரன் ஆகியோர் இணைந்து நகரம் முழுவதும் திடீர் ஆய்வு செய்தனர். அதில் எவ்வித ஆவணம் இன்றி ஆட்டோ ஓட்டுதல், உரிமை இல்லாதவை, திருச்சி, கோயும்புத்தூர் பகுதியிலிருந்து ஆவணமின்றி எடுத்து வந்து பண்ருட்டியில் ஓட்டுதல் உள்ளிட்ட பல்வேறு விதிமுறைகளை மீறிய குற்றத்திற்காக 8 ஆட்டோக்களை பறிமுதல் செய்து ரூ.1.20 லட்சம் அபராதம் விதித்தனர். தொடர்ந்து ஆட்டோ ஓட்டுபவர்கள் ஆட்டோ முன் பகுதியில் பயணிகளை உட்கார வைத்து ஓட்ட கூடாது. யூனிபார்ம் அணிய வேண்டும். அனைத்து ஆவணமும் வைத்திருக்க வேண்டும் என அறிவுரைகள் வழங்கப்பட்டன.