வேப்பூர், செப். 24: வேப்பூர் அடுத்த பொயனப்பாடி கிராமத்தைச் சேர்ந்த எரசர் மகன் தேவர் (54). இவரது மனைவி மகேஸ்வரி. இவர்களுக்கு இரண்டு பெண் பிள்ளைகளும், ஒரு ஆண் பிள்ளையும் உள்ளது. மகேஸ்வரியின் கணவர் தேவர் கடந்த மூன்று ஆண்டுகளுக்கு முன்பு வேலைக்காக துபாய் நாட்டிற்கு சென்றவர் அங்கு தனியார் நிறுவனத்தில் லேபராக பணிபுரிந்து வந்தார். இந்நிலையில் கடந்த 21ம்தேதி அவரது மனைவி மகேஸ்வரி தனது கணவரை தொலைபேசியில் தொடர்பு கொள்ள முயன்றபோது தொடர்புகொள்ள முடியவில்லை. இதையடுத்து அவருடைய அறை நண்பர்களை தொலை பேசியில் தொடர்பு கொண்டு பேசியபோது வேலைக்கு சென்றவர் இன்னும் தங்கியிருக்கும் அறைக்கு வரவில்லை. அவருடைய செல்போன் அறையிலே வைத்து சென்றுள்ளதாகவும், தேவர் காணவில்லை என அவரது  படம் நண்பர்கள் துபாய் காவல் நிலையத்தில் புகார் அளித்திருப்பதையும் தெரிவித்தனர். இதை கேட்டு அதிர்ச்சியடைந்த தேவர் மனைவி மகேஸ்வரி துபாயில் வேலைக்கு சென்று காணாமல்போன தனது கணவரை மீட்டுதரக்கோரி தமிழ்நாடு முதலமைச்சரின் தனிப்பிரிவுக்கு மனு அளித்துள்ளார்.