சிதம்பரம், செப். 24:  சிதம்பரம் நடராஜர் கோயிலில் நடராஜர் சிவகாமசுந்தரி அம்பாள் உள்ளிட்ட சாமிகளுக்கு ஏராளமான தங்கம், வெள்ளி நகைகள் உள்ளன. இவை அனைத்தும் கடந்த 2005ம் ஆண்டுக்கு முன் ஆய்வு செய்யப்பட்டு சரிபார்க்கப்பட்டது. இந்நிலையில் இந்து சமய அறநிலையத்துறையின் கடலூர் மாவட்ட துணை ஆணையர் ஜோதி தலைமையிலான 6 பேர் கொண்ட குழுவினர் கடந்த சில தினங்களாக நடராஜர் கோயிலில் நகை சரிபார்ப்பு மற்றும் ஆய்வு பணிகளில் ஈடுபட்டு வருகின்றனர். கடந்த மாதம் 22ம் தேதி முதல் மூன்று கட்டங்களாக இதுவரை 15 நாட்கள் நகை சரிபார்ப்பு ஆய்வு பணிகள் நடந்து முடிந்துள்ள நிலையில் நேற்று 16வது நாளாக நகை சரி பார்ப்பு ஆய்வு பணி நடந்தது. இதுவரை நடத்தப்பட்ட ஆய்வில் 2021ம் ஆண்டு மார்ச் மாதம் வரை கோயிலுக்கு வரப்பட்ட நகைகள் குறித்து ஆய்வு நடத்தி முடிக்கப்பட்டுள்ளது. இந்த பணி இரண்டு நாட்கள் நடைபெறாது மீண்டும்  26ம் தேதி நடைபெறும் என அதிகாரிகள் தெரிவித்தனர்.