மதுரை, செப். 22: மதுரை ஆயில் மற்றும் ஆயில் சீட்ஸ் சங்கம் சார்பில் புத்தக கண்காட்சி சிறப்படைய ரூ.1 லட்சத்தை கலெக்டர் அனீஷ்சேகரிடம் சங்க நிர்வாகிகள் தலைவர் மகேந்திரன், செயலாளர் அருணாச்சலம், பொருளாளர் கோபாலகிருஷ்ணன், முன்னாள் சங்க செயலாளர் கிருஷ்ணமூர்த்தி ஆகியோர் வழங்கினர். இதுகுறித்து சங்க நிர்வாகிகள் வெளியிட்டுள்ள அறிக்கையில், ‘மதுரை தமுக்கம் மாநாட்டு மையத்தில் நாளை செப்.23ம் தேதி முதல் வரும் அக்.3ம்தேதி வரை புத்தக கண்காட்சி நடைபெற உள்ளது. காலை 11 மணி முதல் இரவு 9 மணி வரை நடக்கும் இக்கண்காட்சியில் 200க்கும் மேற்பட்ட புத்தக அங்காடிகள் அமைக்கப்பட உள்ளது. இதில் சிறப்பு அம்சமாக குழந்தைகளுக்கான கதை சொல்லல், பயிலரங்கம், கவிதை, கட்டுரை, கலைநிகழ்ச்சிகள், பட்டிமன்றங்கள் நடைபெற உள்ளன. மலும் தினந்தோறும் மாலை நேரங்களில் பள்ளி, கல்லூரி மாணவ- மாணவிகளின் கலை நிகழ்ச்சிகள் நடைபெறுகிறது. இவ்வாறு தெரிவித்துள்ளனர்.