SUN குழுமத்திலிருந்து வெளிவரும் காலை நாளிதழ்

வாலிபரை ஓட, ஓட விரட்டி வெட்டிய ரவுடி

8/13/2022 6:03:38 AM

சேலம்: சேலத்தில் வாலிபரை ஓட, ஓட விரட்டி வெட்டிய ரவுடியை போலீசார் தேடி வரும் நிலையில், படுகாயம் அடைந்த வாலிபருக்கு தீவிர சிகிச்சை அளிக்கப்பட்டு வருகிறது. சேலம் குமாரசாமிபட்டியை சேர்ந்தவர் முரளி(28). இவர் காந்தி ஸ்டேடியம் பின்பகுதியில் உள்ள வெல்டிங் பட்டறையில் வேலை செய்து வருகிறார். இவருக்கும், அஸ்தம்பட்டியைச் சேர்ந்த ரவுடி ஸ்ரீரங்கனுக்கும்(35) பழக்கம் இருந்து வந்தது. இருவரும் அடிக்கடி பேசிக்கொள்வார்கள். சமீப காலமாக ஸ்ரீரங்கன் அழைத்தால், முரளி எங்கும் செல்வது இல்லை. இதனால் ரவுடி ஸ்ரீரங்கன் கோபத்துடன் இருந்து வந்தார். இந்நிலையில் நேற்று மாலை 3 மணி அளவில், வெளியே செல்ல வருமாறு முரளியை அழைத்தார். அவர் செல்ல மறுத்து விட்டார்.

நான் அழைத்தால் வரமாட்டாயா? நீ பெரிய ஆளாகி விட்டாயா? என கேட்டுக்ெகாண்டு அரிவாளால் ரவுடி ஸ்ரீரங்கன் வெட்டினார். அங்கிருந்து முரளி தப்பி ஓடிய நிலையில், ஓட,ஓட விரட்டி வெட்டி விட்டு தப்பியோடி விட்டார். இதில் தலை, கை, கழுத்து ஆகிய இடங்களில் வெட்டுடன் விழுந்து கிடந்த முரளியை, அங்கிருந்தவர்கள் மீட்டு சேலம் அரசு மருத்துவமனையில் சேர்த்தனர். அங்கு ஆபத்தான நிலையில் அவருக்கு சிகிச்சை அளிக்கப்பட்டு வருகிறது. தப்பி ஓடிய ரவுடியை அஸ்தம்பட்டி போலீசார் தேடி வருகின்றனர். பட்டப்பகலில் ஓட,ஓட விரட்டி ரவுடி வெட்டிய சம்பவம் அப்பகுதியில் அதிர்ச்சியை ஏற்படுத்தியுள்ளது.

மேலும் செய்திகள்

Like Us on Facebook Dinkaran Daily News
  • America_electric plane

    முற்றிலும் மின்சாரத்தில் இயங்கும் முதல் விமானம்!: அமெரிக்காவில் சோதனை ஓட்டம் வெற்றி...!!

  • chennai-heavy-rain

    சென்னையில் பல்வேறு இடங்களில் இடியுடன் கனமழை

  • tirupati-brahmotsavam-28

    கோவிந்தா! கோவிந்தா!: திருப்பதி ஏழுமலையான் கோயிலில் 2ம் நாள் பிரமோற்சவம் கோலாகலம்.. சின்ன சேஷ வாகனத்தில் மலையப்ப சுவாமி வீதியுலா..!!

  • turist_world

    தமிழகத்தின் பல்வேறு இடங்களில் வெகு விமர்சியாக கொண்டாடப்பட்ட உலக சுற்றுலா தினம்... சுற்றுலாப்பயணிகள் உற்சாகம்..!!

  • noru-philippines

    பிலிப்பைன்ஸ் நாட்டை புரட்டிப்போட்ட நோரு புயல்!: வெள்ளக்காடான குடியிருப்பு பகுதிகள்.. 52 ஆயிரம் பேர் பாதிப்பு..!!

படங்கள் வீடியோ கல்வி சினிமா ஜோ‌திட‌ம்