SUN குழுமத்திலிருந்து வெளிவரும் காலை நாளிதழ்

சுதந்திர தின மாரத்தான் போட்டிகள்

8/8/2022 2:30:57 AM

மதுரை, ஆக.8: சுதந்திர தினத்தை கொண்டாடும் விதமாக மதுரையில் நேற்று 10, 5 மற்றும் 3 கி.மீ. தூரத்தில் மாரத்தான் போட்டிகள் நடந்தன.
நாட்டின் 75வது சுதந்திர தினத்தை முன்னிட்டு, சவுராஷ்டிரா இளைய தலைமுறை தொழில் முனைவோர் அமைப்பு சார்பில் மதுரையில் நேற்று மாரத்தான் போட்டிகள் நடத்தப்பட்டன. 10 கி.மீ, 5 கி.மீ மற்றும் 3 கி.மீ தூரம் என மூன்று வகையான மாரத்தான் போட்டிகள் நடந்தன. இந்த 3 வகையான மாரத்தான்களும் காந்தி மியூசியத்திலிருந்து துவங்கி காந்தி மியூசியத்திலேயே நிறைவடையும் வகையில் பயணப்பாதைகள் ஏற்பாடு செய்யப்பட்டிருந்தது.10 கி.மீ. தூரத்திற்கான மாரத்தானை கலெக்டர் அனீஷ்சேகர் கொடியசைத்து துவக்கி வைத்தார். இந்த மாரத்தான், காந்தி மியூசியத்திலிருந்து, அண்ணா பஸ் நிலையம், அரவிந்த் மருத்துவமனை, அம்பிகா கல்லூரி, சுகுணா ஸ்டோர், சுந்தரம் பார்க் வழியாக சென்ட்ரல் மார்க்கெட் வந்து, அங்கிருந்து திரும்பி கே.கே.நகர் ஆர்ச், ராஜா முத்தையா மன்றம், ரேஸ்கோர்ஸ் ரோடு, ரைபிள் கிளப், அழகர்கோவில் ரோடு, மாநகராட்சி, தமுக்கம் சந்திப்பு வழியாக காந்திமியூசியம் வந்தடைந்தது.
இதேபோல், 5 கி.மீ. மாரத்தானை சவுராஷ்டிரா சேம்பர் ஆப் காமர்ஸ் தலைவர் குமரன் ஜகுவாவும், 3 கி.மீ. மாரத்தானை மகாலெட்சுமி மற்றும் ராதாகிருஷ்ணன் ஆகியோரும் இணைந்து துவக்கி வைத்தனர். இந்த 3 மாரத்தான்களிலும் பள்ளி, கல்லூரி மாணவ,மாணவிகள், பொதுமக்கள் என சுமார் 1000 பேர் கலந்து கொண்டனர். ஏற்பாடுகளை சவுராஷ்டிரா இளைய தலைமுறை தொழில் முனைவோர் அமைப்பின் தலைவர் குபேஷ்பாவு, செயலாளர் சரவணன் ஆகியோர் செய்திருந்தனர். மாரத்தானில் சென்றவர்கள் 75வது சுதந்திர தினத்தை நினைவுகூறும் வாசகங்கள் அடங்கிய பதாதைகளை ஏந்திச்சென்றனர்.

மேலும் செய்திகள்

Like Us on Facebook Dinkaran Daily News
  • pakistan-hospital

    பாகிஸ்தானில் தேங்கி நிற்கும் வெள்ள நீரால் வேகமாக பரவும் மலேரியா: மருத்துவமனைகள் நோக்கி மக்கள் படையெடுப்பு..!!

  • temple-dubai-6

    துபாயில் பிரம்மாண்ட இந்து கோயில்!: சிவன், விஷ்ணு சன்னதியுடன் பக்தர்கள் தரிசனத்துக்கு திறப்பு.. கண்கவர் புகைப்படங்கள்..!!

  • gandhi-birthday

    காந்தி பிறந்தநாளையொட்டி கண்கவர் டிரோன் கண்காட்சி

  • tirupati-4th-day-30

    திருப்பதி பிரமோற்சவம்: 4ம் நாளில் கற்பக விருட்ச வாகனத்தில் ராஜமன்னார் அலங்காரத்தில் மலையப்ப சுவாமி வீதி உலா..!!

  • ian-florida

    புளோரிடாவில் இயான் சூறாவளியால் கடுமையான சேதம்.. மக்களின் இயல்பு வாழ்க்கை முடக்கம்..!

படங்கள் வீடியோ கல்வி சினிமா ஜோ‌திட‌ம்