SUN குழுமத்திலிருந்து வெளிவரும் காலை நாளிதழ்

கஞ்சா விற்ற வடமாநில வாலிபர் கைது

8/3/2022 6:47:13 AM

ஸ்ரீபெரும்புதூர்: காஞ்சிபுரம் மாவட்டம், ஸ்ரீபெரும்புதூர் மற்றும் சுற்றுவட்டார பகுதிகளில் ஏராளமான பன்னாட்டு மற்றும் உள்நாட்டு தொழிற்சாலைகள் இயங்கி வருகின்றன. இந்த தொழிற்சாலைகளில் வெளி மாவட்ட, மாநிலங்களில் இருந்து ஆயிரக்கணக்கான  தொழிலாளர்கள் ஸ்ரீபெரும்புதூர் சுற்றுவட்டார பகுதியில் தங்கி வேலை செய்து வருகின்றனர். இந்த தொழிலாளர்களுக்கு வடமாநிலத்தை சேர்ந்த வாலிபர்கள் சிலர் கஞ்சா விற்பனை செய்வதாக தனிப்படை போலீசாருக்கு ரகசிய தகவல் கிடைத்தது.

இதையடுத்து, நெமிலி பகுதியில் தனிப்படை போலீசார் தீவிர சோதனையில் ஈடுபட்டனர். அப்போது நெமிலி, மாதா கோயில் தெருவில் வாடகை வீட்டில் வசித்து வந்த ஒடிசாவை சேர்ந்த ரன்னித்நாத் (34) என்பவர் வீட்டில் சோதனை செய்தனர். அப்போது, அவரிடம் இருந்து,  21 கிலோ கஞ்சா கைப்பற்றப்பட்டது. இதையடுத்து, அவனை காவல் நிலையம் அழைத்து சென்று விசாரித்தனர்.

அதன்முடிவில், இங்குள்ள தொழில் நிறுவனங்களுக்கு உதிரி பாகங்கள் ஏற்றி வரும் லாரிகள் மூலம் கஞ்சாவை ஒடிசாவில் இருந்து கடத்தி வந்ததும், பின்னர், அதை வீட்டில் பதுக்கி வைத்து, ஸ்ரீபெரும்புதூர் பகுதியில் தங்கியுள்ள தொழிலாளர்களுக்கு விற்பனை செய்து வந்ததும் தெரியவந்தது. இதனையடுத்து, ஸ்ரீபெரும்புதூர் போலீசார் வழக்கு பதிவு செய்து, ரன்னித்நாத்தை ஸ்ரீபெரும்புதூர் நீதிமன்றத்தில் ஆஜர்படுத்தி சிறையில் அடைத்தனர். மேலும், ஒடிசாவில் இருந்து கஞ்சாவை கடத்தி வரும் ரன்னித்நாத் கூட்டாளியை  போலீசார் தீவிரமாக தேடி வருகின்றனர்.

மேலும் செய்திகள்

Like Us on Facebook Dinkaran Daily News
  • kujarat-election

    குஜராத் மாநிலம் சட்டசபை தேர்தலில் வாக்களிக்க ஆப்பிரிக்க மக்களுக்கென பிரத்யேக பூத்: உணவு, ஆட்டம் பாட்டத்துடன் கொண்டாடிய மக்கள்..!

  • vinayagar-puduchery-30

    புதுச்சேரியை அதிரவைக்கும் மக்களின் அழுகுரல்.. மணக்குள விநாயகர் கோயில் யானை உயிரிழப்புக்காக கதறும் பக்தர்கள்..!!

  • sirpi-30

    சிற்பி திட்டத்தின் கீழ் மாணவ, மாணவியர்களுக்கான தேசப்பற்று குறித்த விழிப்புணர்வு நிகழ்ச்சி: அமைச்சர் அன்பில் மகேஷ் பங்கேற்பு

  • mauna-loa

    உலகின் மிகப்பெரிய மவுனா லோவா எரிமலையில் வெடிப்பு: ஹவாய் தீவில் வசிக்கும் மக்களுக்கு எச்சரிக்கை..!

  • london-vertical-farm-29

    நிலத்தில் இருந்து 100 அடிக்குக் கீழே விவசாயம்!: லண்டனில் பிரபலமாகி வரும் "வெர்டிக்கல் ஃபார்மிங்"

படங்கள் வீடியோ கல்வி சினிமா ஜோ‌திட‌ம்