SUN குழுமத்திலிருந்து வெளிவரும் காலை நாளிதழ்

மங்கலகுறிச்சி -பெருங்குளம் சாலையில் முட்செடிகள் அகற்றப்படுமா?

6/25/2022 6:04:38 AM

ஏரல், ஜூன் 25: ஏரலில் இருந்து  மங்கலக்குறிச்சி, பெருங்குளம் வழியாக வைகுண்டம், நெல்லைக்கும்  மற்றும் சாயர்புரம் வழியாக தூத்துக்குடிக்கும் அதிகளவு போக்குவரத்து  நடந்து வருகிறது. மேலும் மங்கலகுறிச்சியில் இருந்து பெருங்குளம் செல்லும்  சாலையின் இருபுறமும் வாழை, நெல் விவசாயம் நடந்து வருகிறது.  மங்கலகுறிச்சி சுற்றுவட்டார பகுதியில் இருந்து பண்ணைவிளை, சாயர்புரம் பள்ளி,  கல்லூரிகளில் படித்து வரும் நூற்றுக்கணக்கான மாணவ- மாணவிகளும் இந்த சாலை  வழியாக சென்று வருகின்றனர். போக்குவரத்து மற்றும் மக்கள் நடமாட்டம் மிகுந்த மங்கலகுறிச்சி -பெருங்குளம் சாலையில் அடிக்கடி ஏற்படும்  குடிநீர் உடைப்பு ஏற்பட்டு தண்ணீர் பெருக்கெடுப்பதால் சாலை அரிக்கப்பட்டு குண்டும், குழியுமாக காட்சியளிக்கிறது.

சாலையின் அகலமும் குறைவாக இருப்பதால் எதிரே வரும் வாகனத்திற்கு வழிவிடுவது என்பது சிரமமாக உள்ளது. இந்நிலையில் இந்த  சாலையோரத்தில் வளர்ந்துள்ள முட்செடிகள் ரோடு வரை ஆக்கிரமித்துள்ளது. இதனால்  எதிரே வரும் வாகனங்கள் தெரியாத நிலை காணப்படுகிறது. வாகனங்களில் செல்வோரின் ஆடையில் முள்பிடித்து கிழிப்பதுடன் உடலில் குத்தி காயங்களும் ஏற்படுகிறது. எனவே மங்கலகுறிச்சியில்  இருந்து பெருங்குளம் செல்லும் சாலையில் போக்குவரத்திற்கு இடையூறாக உள்ள முட்செடிகளை அகற்றிட சம்பந்தப்பட்ட அதிகாரிகள்  நடவடிக்கை எடுக்க வேண்டுமென வாகன ஓட்டிகள், விவசாயிகள் மற்றும்  பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • erode-dmk-votes-2

    அனல் பறக்கும் ஈரோடு கிழக்கு தொகுதி இடைத்தேர்தல் களம்: திமுக அமைச்சர்கள் வீடு வீடாக சென்று தீவிர வாக்கு சேகரிப்பு..!!

  • scotland-bonfire-festival

    ஸ்காட்லாந்தில் பாரம்பரிய நெருப்புத் திருவிழா கோலாகலம்: முதல் முறையாக தீப்பந்தம் ஏந்தியவாறு பேரணி

  • stalin-corp-31

    மழை, வெள்ள காலங்களில் சிறப்பாக பணியாற்றிய மாநகராட்சி பணியாளர்களுக்கு பாராட்டு சான்றிதழ்: முதல்வர் மு.க.ஸ்டாலின் வழங்கினார்

  • long-whale-newyork

    35 அடி நீளம்: நியூயார்க் ரிடோ கடற்கரையில் இறந்தநிலையில் கரை ஒதுங்கிய பிரமாண்ட திமிங்கலம்

  • pak-blast-30

    பாகிஸ்தான் மசூதியில் பயங்கர குண்டுவெடிப்பு!: 28 பேர் உடல் சிதறி பலி, 150 பேர் படுகாயம்..!!

படங்கள் வீடியோ கல்வி சினிமா ஜோ‌திட‌ம்