வேப்பனஹள்ளி அருகே தக்காளி, வாழை தோட்டத்தை நாசம் செய்த யானைகள்
6/14/2022 5:07:01 AM
வேப்பனஹள்ளி, ஜூன் 14: வேப்பனஹள்ளி அருகே வனப்பகுதியில் கடந்த ஒரு மாதமாக பதினோறு யானைகள், 3 குழுக்களாக பிரிந்து நடமாடி வருகின்றன. இவற்றை கர்நாடக வனப்பகுதிக்குள் விரட்ட வனத்துறையினர் எடுத்து வரும் முயற்சிகள் தோல்வியில் முடிந்தன. கர்நாடக வனப்பகுதியில் சோலார் மின்வேலி அமைக்கப்பட்டுள்ளதாலும், தற்போது வேப்பனஹள்ளியை ஒட்டியுள்ள வனப்பகுதிகளில் நல்ல மழை பொழிந்து நீர் தேங்கியுள்ளதாலும், வனத்தை ஒட்டியுள்ள விவசாய நிலங்களில் தக்காளி, மா, வாழை, ராகி, நெல் என அனைத்து வகையான பயிர்களும் செழித்து வளர்ந்துள்ளதாலும், யானைகள் தமிழக வனப்பகுதியிலேயே தங்கி இரவு நேரங்களில் விளைநிலங்களுக்குள் புகுந்து பயிர்களை உண்டுவிட்டு மீண்டும் வனப்பகுதிக்குள் சென்று தங்கி விடுகின்றன.வனத்துறையினர் யானைகளை விரட்ட தீவிர முயற்சி மேற்கொண்டு வரும் நிலையில், யானைகள் இடம் மாற்றி ஒவ்வொரு நாளும் வேறு வேறு பகுதிகளில் உள்ள கிராமப் புறங்களில் உள்ள விவசாய நிலங்களில் நுழைந்து பயிர்களை நாசம் செய்து வருகின்றன.
நேற்று முன்தினம் இரவு, கொங்கனப்பள்ளி மற்றும் பூதிமுட்லு ஆகிய கிராம பகுதியில் நுழைந்த யானைகள், அப்பகுதியில் உள்ள வாழை மற்றும் தக்காளி பயிர்களை நாசம் செய்தன. யானைகளின் தொடர் நடமாட்டத்தால், பயிர்களை காவல் காக்கவோ, அவற்றை அறுவடை செய்யவேர் விவசாயிகள் தங்கள் விவசாய நிலங்களுக்கு செல்லாத காரணத்தால், பயிர்கள் மற்றும் மாங்காய்கள் ஆகியவை விளைநிலங்களிலேயே வீணாகி வருகின்றன. இதனால் இப்பகுதியில் விவசாயம் முற்றிலும் பாதிக்கப்பட்டுள்ள நிலை ஏற்பட்டுள்ளதாகவும், தங்களது வாழ்வாதாரம் கேள்விக்குறியாகி உள்ளதாகவும் விவசாயிகள் கவலை தெரிவித்தனர். இதையடுத்து, 20பேர் கொண்ட வனத்துறை குழுவினர், யானைகளை வனப்பகுதிக்குள் விரட்ட தீவிர முயற்சி மேற்கொண்டுள்ளனர்.
மேலும் செய்திகள்
கிரானைட் கல் கடத்திய 2 லாரிகள் பறிமுதல்
தென்னை மரத்தில் ஏறியவர் மின்சாரம் தாக்கி பலி
பூஜை செய்தபோது மாரடைப்பு; தொழிலாளி சாவில் திருப்பம்
ஓசஅள்ளி ஊராட்சியில் தலைமை பொறியாளர் ஆய்வு
உண்டு உறைவிடப்பள்ளி நடத்த கருத்துரு வரவேற்பு
கடலில் வீணாக செல்லும் தண்ணீரை தடுக்க ₹410 கோடியில் தென்பெண்ணை ஆறு உபரிநீர் திட்டம்
ஆரஞ்சு மரத்தை அதிர்ஷ்டமாக கருதும் ஹாங்காங் மக்கள்: வேண்டுதல்களை தாள்களில் எழுதி மரத்தில் தொங்கவிட்டு பிரார்த்தனை..!!
மும்பையில் கோலாகலமாக நடைபெற்ற செல்லப் பிராணிகள் திருவிழா: லிம்கா சாதனைப் புத்தகத்தில் இடம்பெற்றுள்ள Pet Fed நிகழ்ச்சி
பிரான்ஸ் அரசின் ஓய்வூதிய சீர்திருத்தக் கொள்கைக்கு எதிர்ப்பு: அதிபர் மேக்ரான் அரசுக்கு எதிராக நாடு தழுவிய போராட்டம்..!!
பெரிய அரங்குகள், நூலகங்கள், நவீன வசதிகள்: புதிய நாடாளுமன்ற கட்டடத்தின் மாதிரி புகைப்படங்கள் வெளியீடு..!!
தமிழ்நாடு பெயரை மாற்றுமாறு கூறிய ஆளுநர் ரவிக்கு எதிர்ப்பு தெரிவித்து காங். கட்சியினர் கண்டன ஆர்ப்பாட்டம்..!!