கோவை, ஜூன் 14:  கோவை மாநகராட்சி கமிஷனர் பிரதாப் வெளியிட்ட அறிக்கையில்,‘‘நடப்பு கல்வியாண்டிற்கான வகுப்புகள் துவங்கின. பள்ளிகளில் தலைமை ஆசிரியர் பணி மகத்தானது. ஆசிரியர்களை ஒருங்கிணைத்து, கண்காணித்து, கற்பித்தல் பணியை சிறப்பாக நடத்த வேண்டும். கூடுதல் மாணவர் சேர்க்கை இருக்கும் வகையில் செயல்படவேண்டும். பள்ளிக்கு மாணவர்கள் வருகையை ஆசிரியர்கள் உறுதி செய்ய வேண்டும். இடைநிற்றல் தவிர்க்க வேண்டும். பள்ளிக்கு வராத மாணவர்களின் பெற்றோர்களை தொடர்பு கொண்டு பேசி, மாணவர்கள் தவறாமல் பள்ளிக்கு வர அறிவுறுத்த வேண்டும். கற்பித்தல் பணிகளுடன் கல்வி இணை  செயல்பாடுகள், கல்வி சாரா செயல்பாடுகளை சிறப்பாக செய்ய வேண்டும். மன்ற செயல்பாடுகளில் மாணவர்களின் விருப்பத்திற்கு ஏற்ப மன்றத்தை தேர்வு செய்ய ஊக்கப்படுத்த வேண்டும். மாணவர்களின் செயல்பாடு, பள்ளி நிகழ்வுகள் சார்ந்த பெற்றோர் அறிந்து கொள்ள மாதம் ஒரு முறை பெற்றோர் கூட்டம் நடத்தவேண்டும். பள்ளிகளில் அனைத்து அத்தியாவசிய வசதிகள் செய்து தரவேண்டும்’’ என தெரிவித்துள்ளார்.