SUN குழுமத்திலிருந்து வெளிவரும் காலை நாளிதழ்

கோயில் கும்பாபிஷேக விழாவில் 3 மூதாட்டிகளிடம் 15 பவுன் நகை பறிப்பு

6/11/2022 2:27:57 AM

காடையாம்பட்டி, ஜூன் 11: காடையாம்பட்டி அருகே, கோயில் கும்பாபிஷேக விழாவில் கலந்துகொண்ட 3 மூதாட்டிகளிடம், 15 பவுன் நகையை மர்ம நபர்கள் பறித்து சென்ற சம்பவம் பரபரப்பை ஏற்படுத்தி உள்ளது. காடையாம்பட்டி அடுத்த குண்டுக்கல் ஜோடுகுளி பகுதியில், சக்தி மாரியம்மன் கோயில் கும்பாபிஷேக விழா நேற்று நடைபெற்றது. இதில் சுற்றுவட்டார பகுதிகளை சேர்ந்த ஏராளமான பொதுமக்கள் கலந்துகொண்டனர். இந்நிலையில் கூட்டத்தை பயன்படுத்தி மர்ம கும்பல், 3 மூதாட்டிகள் கழுத்தில் அணிந்து இருந்த நகைகளை பறித்துச்சென்றனர். சேலத்தை சேர்ந்த சின்னம்மாள்(65) என்பவரிடம் 6 பவுன் செயினும், ஜோடுகுளியை சேர்ந்த சித்தாகி(60) என்பவர் கழுத்தில் இருந்த ஐந்தரை பவுன் செயின் மற்றும் அதே பகுதியை சேர்ந்த மயிலியம்மாள்(62) என்பவர் கழுத்தில் அணிந்திருந்த மூன்றரை பவுன் சங்கிலி என மொத்தம் 15 பவுன் நகைகளை பறித்து சென்றனர்.

இதுகுறித்து அவர்கள் கொடுத்த புகாரின் பேரில், தீவட்டிப்பட்டி போலீசார் வழக்குபதிவு செய்து  விசாரணை நடத்தி வருகின்றனர். மேலும், அருகில் பாதுகாப்புக்கு பொருத்தி இருந்த சிசிடிவி கேமராவின் பதிவுகளை பெற்று ஆய்வு செய்து வருகின்றனர். நேற்று முன்தினம், வாழப்பாடி அடுத்த புதுப்பாளையத்தில் நடந்த கோயில் கும்பாபிஷேக விழாவில், கூட்ட நெரிசலை பயன்படுத்தி கும்பல், 2 மூதாட்டிகள் உள்பட 3 பேரிடம் 11 பவுன் நகைகளை பறித்துச்சென்றனர். இதன் தொடர்ச்சியாக, காடையாம்பட்டி அருகே கும்பாபிஷேக விழாவில் 15 பவுன் நகைகளை கும்பல் திருடிச் சென்ற சம்பவம் பரபரப்பை ஏற்படுத்தி உள்ளது.

மேலும் செய்திகள்

Like Us on Facebook Dinkaran Daily News
  • Ukrain_Russia

    கிழக்கு உக்ரைனில் தொடர்ச்சியாக தாக்குதல் நடத்தும் ரஷ்யப்படை... ஒரேநாளில் 12 பேர் பலியான சோகம்

  • somaaih111

    சோமாலியாவில் தலைவிரித்தாடும் உணவு பஞ்சம்.. பசி பட்டினியுடன் மக்கள்!!

  • HOTDOGGG111

    ஹாட் டாக் பன் சாப்பிடும் போட்டி : 10 நிமிடங்களில் 63 பன்கள் சாப்பிட்டு ஜோய் செஸ்ட்நட் என்பவர் சாம்பியன்..!

  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

படங்கள் வீடியோ கல்வி சினிமா ஜோ‌திட‌ம்