SUN குழுமத்திலிருந்து வெளிவரும் காலை நாளிதழ்

ஆத்தூர் உயர்மட்ட பாலம் பணிக்காக ஆக்கிரமிப்பு கடைகளை அகற்ற பொதுமக்கள் எதிர்ப்பு

6/11/2022 2:27:47 AM

ஆத்தூர், ஜூன் 11:  ஆத்தூர் வசிஷ்ட நதியின் குறுக்கே கட்டப்படும் உயர்மட்ட பாலம் பணிக்காக, ஆக்கிரமிப்பு கடைகளை அகற்ற எதிர்ப்பு தெரிவித்த பொதுமக்கள், பாலம் பணிகளை தடுத்து நிறுத்தியதால் பரபரப்பு ஏற்பட்டது.
சேலம்  மாவட்டம், ஆத்தூர் -முள்ளுவாடி சாலையில் வசிஷ்ட நதியின் குறுக்கே, பழுதடைந்த பாலத்தை முற்றிலும் அகற்றி விட்டு, அதே இடத்தில் அகலமான புதிய பாலம் கட்டும் பணி நடைபெற்று வருகிறது. இந்நிலையில், பாலம் அமையப்பெறும் இடத்தை, அப்பகுதியை சேர்ந்த பொதுமக்கள் ஆக்கிரமித்து, கடைகள் கட்டியுள்ளனர். மேலும், அங்குள்ள திறந்தவெளி கிணற்றின் தண்ணீரை, அன்றாட தேவைகளுக்கு பயன்படுத்தி வருகின்றனர். பாலம் கட்டுமான பணிக்காக, அங்குள்ள ஆக்கிரமிப்பு கடைகளை அகற்ற, நெடுஞ்சாலை திட்டங்கள் கோட்ட அதிகாரிகள் ஈடுபட்டனர். இதற்கு எதிர்ப்பு தெரிவித்த அப்பகுதி மக்கள், பாலம் கட்டுமான பணிகளை நேற்று தடுத்து நிறுத்தினர்.
மேலும், கடைகள் மற்றும் திறந்தவெளி கிணற்றை அகற்றாமல், பாலம் கட்டும் பணியை மேற்கொள்ள வேண்டும் என முதலமைச்சரின் தனிப்பிரிவு, கலெக்டர் மற்றும் சம்பந்தப்பட்ட அரசுத்துறை அதிகாரிகளுக்கு கோரிக்கை மனுக்களை ஏற்கனவே அனுப்பி இருப்பதாக தெரிவித்தனர். இதுகுறித்த தகவல் அறிந்து சம்பவ இடத்துக்கு வந்த ஆத்தூர் தாசில்தார் மாணிக்கம், நெடுஞ்சாலை திட்ட உபகோட்ட பொறியாளர் தினேஷ் தேசியா, உதவி பொறியாளர் ஜெயபிரகாஷ் ஆகியோர், பொதுமக்களிடம் பேச்சுவார்த்தை நடத்தினர். இதனையடுத்து பொதுநல சேவைக்கு பயன்படுத்தப்படும் இடங்களை அப்புறப்படுத்தாமல், பாலம் அமைக்கும் பணிகள் மேற்கொள்ளப்படும் என முடிவு செய்யப்பட்டது. இதனால் சமாதானம் அடைந்த பொதுமக்கள், அதிகாரிகளுக்கு நன்றி தெரிவித்து அங்கிருந்து கலைந்து சென்றனர்.

மேலும் செய்திகள்

Like Us on Facebook Dinkaran Daily News
  • Ukrain_Russia

    கிழக்கு உக்ரைனில் தொடர்ச்சியாக தாக்குதல் நடத்தும் ரஷ்யப்படை... ஒரேநாளில் 12 பேர் பலியான சோகம்

  • somaaih111

    சோமாலியாவில் தலைவிரித்தாடும் உணவு பஞ்சம்.. பசி பட்டினியுடன் மக்கள்!!

  • HOTDOGGG111

    ஹாட் டாக் பன் சாப்பிடும் போட்டி : 10 நிமிடங்களில் 63 பன்கள் சாப்பிட்டு ஜோய் செஸ்ட்நட் என்பவர் சாம்பியன்..!

  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

படங்கள் வீடியோ கல்வி சினிமா ஜோ‌திட‌ம்