காரிமங்கலம், ஜூன் 4: காரிமங்கலம் அருகே இளம்வயது திருமணத்தை அதிகாரிகள் தடுத்து நிறுத்தினர்.காரிமங்கலம் அருகே கோடியூர் சென்றாயம்பட்டியைச் சேர்ந்த பெண்ணுக்கும், அதே பகுதியைச் சேர்ந்த 30 வயது மதிக்கத்தக்க ஒருவருக்கும் திருமணம் நிச்சயிக்கப்பட்டது. இவர்களது திருமணம் நேற்று நடைபெறுவதாக இருந்தது.

அதற்கான ஏற்பாடுகளில் இரு வீட்டாரும் மும்முரமாக ஈடுபட்டிருப்பதாகவும், பெண்ணுக்கு 18 வயது பூர்த்தி அடைவதற்கு 3 மாதங்கள் உள்ள நிலையில் திருமணம் செய்து வைக்க உள்ளதாகவும் மாவட்ட நிர்வாகத்திற்கு ரகசிய தகவல் கிடைத்தது. இதன்பேரில், உரிய நடவடிக்கை எடுக்குமாறு கலெக்டர் உத்தரவிட்டார். இதன்பேரில், அதிகாரிகள் மற்றும் மகளிர் காவல்நிலைய போலீசார், நேற்று சம்பவ இடத்திற்கு சென்று திருமணத்தை தடுத்து நிறுத்தினர். பின்னர், இருவீட்டாரையும் விசாரணைக்காக அழைத்துச் சென்றனர். இச்சம்பவம் அப்பகுதியில் பரபரப்பை ஏற்படுத்தி உள்ளது.