SUN குழுமத்திலிருந்து வெளிவரும் காலை நாளிதழ்

சுடுகாட்டில் பதுக்கி வைக்கப்பட்டிருந்த 300 மூட்டை ரேஷன் அரிசி பறிமுதல்

5/28/2022 6:49:36 AM

குறிஞ்சிப்பாடி, மே 28: கடலூர் மாவட்டம் குள்ளஞ்சாவடியை அடுத்த சின்ன தோப்புக்கொல்லை கிராம சுடுகாட்டில் மூட்டைகள் அடுக்கி வைக்கப்பட்டு, தார்பாலின் போட்டு மூடப்பட்டிருந்தது. இது குறித்து பொதுமக்கள் கொடுத்த தகவலின்பேரில், நெய்வேலி டிஎஸ்பி ராஜேந்திரன், குள்ளஞ்சாவடி இன்ஸ்பெக்டர் ஷியாம் சுந்தர், சப்-இன்ஸ்பெக்டர் இளையராஜா மற்றும் போலீசார் சின்ன தோப்புக்கொல்லை சுடுகாட்டிற்கு சென்று, அங்கு அடுக்கி வைக்கப்பட்டிருந்த மூட்டைகளை சோதனை செய்தனர். அதில், 300 மூட்டைகள் ரேஷன் அரிசி இருந்தது தெரியவந்தது. இதுகுறித்து அப்பகுதி பொதுமக்களிடம் விசாரணை செய்ததில், ரேஷன் மூட்டைகளை அடுக்கி வைத்த நபர் குறித்து விவரம் ஏதும் கிடைக்கவில்லை. இதையடுத்து, ரேஷன் அரிசி மூட்டைகளை பறிமுதல் செய்த போலீசார், அவைகளை உணவு கடத்தல் தடுப்பு பிரிவு இன்ஸ்பெக்டர் ரேகாதேவியிடம் ஒப்படைத்தனர். இதை தொடர்ந்து ரேஷன் அரிசி மூட்டைகளை லாரியில் எடுத்துச் சென்று நெய்வேலி உணவு பாதுகாப்பு கிடங்கில் வைத்தனர். சுடுகாட்டில் ரேஷன் அரிசி மூட்டைகள் பதுக்கி வைக்கப்பட்டிருந்த சம்பவம் அப்பகுதியில் பரபரப்பை ஏற்படுத்தி உள்ளது.

மேலும் செய்திகள்

LikeGamezop
Like Us on Facebook Dinkaran Daily News
  • ragul-inde-15

    டெல்லியில் காங். கட்சித் தலைமை அலுவலகத்தில் சுதந்திர தின விழா கோலாகலம்: ராகுல் காந்தி, குலாம்நபி ஆசாத் உள்ளிட்டோர் பங்கேற்பு..!!

  • independence-15

    75வது சுதந்திர தின விழா: டெல்லி செங்கோட்டையில் தேசிய கொடியை ஏற்றினார் பிரதமர் நரேந்திர மோடி.. வானிலிருந்து பொழிந்த பூமழை..!!

  • inde-12

    நாட்டின் 75-வது சுதந்திர தின கொண்டாட்டம்: மூவர்ண விளக்குகளால் ஜொலிக்கும் ஒன்றிய, மாநில அரசு கட்டடங்கள்..!!

  • drugs-11

    போதையைத் தவிர்..கல்வியால் நிமிர்!: தமிழக பள்ளி மாணவர்கள் போதைக்கு எதிராக உறுதிமொழி ஏற்பு..!!

  • cuba-fire-accident

    கியூபாவில் பயங்கர தீ விபத்து: 17 பேர் பலி..!!

படங்கள் வீடியோ கல்வி சினிமா ஜோ‌திட‌ம்