பழநி, மே 27: பழநி தண்டாயுதபாணி சுவாமி கோயிலுக்கு வரும் பக்தர்களிடம் உடல் நலம் காப்பது குறித்து அரசு சித்த மருத்துவமனை பிரிவு சார்பில் விழிப்புணர்வு பிரச்சாரம் நடந்தது. அரசு சித்த மருத்துவர் டாக்டர்.மகேந்திரன் தலைமையிலான குழுவினர் பக்தர்களிடம் இயற்கை உணவுகளின் நன்மை, சிறுதானியங்களினால் கிடைக்கும் நன்மைகள், கீரை வகைகளில் உள்ள சத்துக்கள், துரித உணவுகளால் ஏற்படும் உடல் பாதிப்புகள் உள்ளிட்டவை குறித்து எடுத்துரைக்கப்பட்டது. தொடர்ந்து பிளாஸ்டிக் பயன்பட்டினால் ஏற்படும் சுற்றுச்சூழல் சீர்கேடு குறித்து எடுத்துரைக்கப்பட்டு, விழிப்புணர்வு நடவடிக்கையாக மஞ்சப்பைகள் வழங்கப்பட்டன.