தேனி, மே 21: சுதந்திரப் போராட்ட தியாகி, வ.உ. சிதம்பரனாரின் 150வது பிறந்த நாளையொட்டிதமிழக அரசு சார்பில், அவரது வாழ்க்கை வரலாறு குறித்து, தமிழகம் முழுவதும் நகரும் புகைப்பட பேருந்து கண்காட்சியை நடத்தி வருகிறது. இதன்படி, நேற்று முன்தினம் தேனி மாவட்ட கலெக்டர் அலுவலக வளாகத்தில் உள்ள வ.உ.சி சிதம்பரனார் நகரும் புகைப்படக் கண்காட்சி பேருந்தை மாவட்ட வருவாய் அலுவலர் சுப்பிரமணியம் முன்னிலையில், கலெக்டர் முரளீதரன் கொடியசைத்து துவக்கி வைத்தார். முன்னதாக, கலெக்டர் முரளீதரன் வ.உ.சிதம்பரனார் உருவச்சிலைக்கு மாலை அணிவித்து மலர்தூவி மரியாதை செலுத்தினார்.