மானாமதுரை, மே 21: மானாமதுரை அருகே டி.ஆலங்குளம் கிராமத்தை சேர்ந்தவர் முத்து (48). இவருக்கு 3 மகன்கள் உள்ளனர். நேற்று காலை 8 மணிக்கு முத்து திடீரென மாரடைப்பால் இறந்தார். இவரது இளைய மகன் சந்தோஷ் (17) நேற்று 12ம் வகுப்பு இயற்பியல் பொதுத்தேர்வுக்கு செல்ல இருந்த நேரத்தில் தந்தையின் திடீர் மரணம் அதிர்ச்சியை ஏற்படுத்தியது. இருந்தாலும் மனம் தளராத மாணவர் சந்தோஷ், தந்தைக்கு செய்யவேண்டிய சடங்குகளை செய்துவிட்டு பள்ளிக்கு சென்று தேர்வு எழுதினார்.