அருப்புக்கோட்டை, மே 20: தமிழகத்தில் 16 நகராட்சி கமிஷனர்கள் இடமாற்றம் செய்யப்பட்டுள்ளனர். அருப்புக்கோட்டை நகராட்சி கமிஷனர் பாஸ்கரன், சிவகங்கை நகராட்சி கமிஷனராக நியமிக்கப்பட்டுள்ளார். இவருக்கு பதிலாக தேவகோட்டை நகராட்சி கமிஷனர் அசோக்குமார், அருப்புக்கோட்டைக்கு கமிஷனராக நியமிக்கப்பட்டுள்ளார்.

இதேபோல, ராஜபாளையம் நகராட்சி கமிஷனர் சுந்தராம்பாள், கிருஷ்ணகிரி நகராட்சிக்கும், திருவண்ணாமலை நகராட்சி கமிஷனர் பார்த்தசாரதி, ராஜபாளையத்திற்கும், திருவில்லிபுத்தூர் நகராட்சி கமிஷனர் மல்லிகா செங்கல்பட்டு நகராட்சிக்கும், குளச்சல் நகராட்சி கமிஷனர் ராஜமாணிக்கம், திருவில்லிபுத்தூர் நகராட்சிக்கும் கமிஷனர்களாக நியமனம் செய்யப்பட்டுள்ளனர்.