மொடக்குறிச்சி,மே13:  கொடுமுடி அருகே உள்ள வெங்கம்பூர்,கல்வெட்டுப்பாளையம் ரோடு பகுதியைச் சேர்ந்தவர் சுந்தரமூர்த்தி (52) கூலித் தொழிலாளி. இவரது மகன் மனோஜ்குமார் (21). ஈரோட்டில் உள்ள தனியார் கல்லூரியில் மூன்றாம் ஆண்டு படித்து வந்தார். ஊஞ்சலூர் அருகே உள்ள காரணாம்பாளையம் பகுதியைச் சேரந்த சதாசிவம் என்பவரது மகன் தர் (20) ஆகிய இருவரும் நேற்று முன்தினம் இரவு 9 மணியளவில் ஊஞ்சலூர் நோக்கி பைக்கில் சென்று கொண்டிருந்தனர். வண்டியை தர் ஓட்டி சென்றார். கணபதிபாளையம் அருகே செல்லும்போது இவர்களின் வண்டிக்கு பின்னால் வந்து கொண்டிருந்த கார் எதிர்பாராத விதமாக பைக் மீது மோதியது. பைக்கில் பின்னால் அமர்ந்திருந்த மனோஜ்குமார் படுகாயம் அடைந்தார். தருக்கு லேசான காயம் ஏற்பட்டது. அருகிலிருந்தவர்கள் இருவரையும் மீட்டு ஆம்லன்ஸ் மூலம் ஈரோடு அரசு மருத்துவமனைக்கு கொண்டு சென்றனர். அங்கு பரிசோதித்த மருத்துவர்கள் மனோஜ்குமார் வரும் வழியிலேயே இறந்து விட்டதாக கூறினர். தர் சிகிச்சை பெற்று வருகிறார்.