SUN குழுமத்திலிருந்து வெளிவரும் காலை நாளிதழ்

கோத்தகிரி மலைப்பாதையில் சுற்றுலா வாகனங்களை கவனமாக இயக்க அறிவுறுத்தல்

5/12/2022 5:40:04 AM

கோத்தகிரி, மே 12: கோத்தகிரி மலைப்பாதையில் பயணிக்கும் சுற்றுலா வாகன ஓட்டிகள், வாகனங்களை கவனமாக இயக்குமாறு போக்குவரத்து போலீசார் அறிவுறுத்தி வருகின்றனர். நீலகிரி மாவட்டத்தில் கோடை சீசன் துவங்கி உள்ள நிலையில் ஊட்டிக்கு வெளி மாநில, வெளிமாவட்ட சுற்றுலா பயணிகள் அதிக அளவில் வருகின்றனர். சமவெளிப் பகுதிகளில் இருந்து நீலகிரி மாவட்டத்திற்கு வரும் வாகனங்கள் பர்லியார், குன்னூர் வழியாக வந்து கோத்தகிரி, குஞ்சப்பனை வழியாக சமவெளிப் பகுதிகளுக்கு செல்ல ஒரு வழிப் பாதையாக மாற்றம் செய்யப்பட்டுள்ளது.

இந்நிலையில், கோத்தகிரி மேட்டுப்பாளையம் செல்லும் மலைப்பாதையில் கடந்த இரண்டு வாரங்களில் நான்கு சுற்றுலா வாகனங்கள் விபத்திற்குள்ளான நிலையில், மலைப்பாதையில் பயணிக்கும் சுற்றுலா வாகன ஓட்டிகளுக்கு மலைப்பாதையில் பயணிக்கும் போது போக்குவரத்து நெறிமுறைகளை பின்பற்றிடவும், வாகனத்தை இரண்டாவது கியரில் இயக்கவும், மிகக்குறுகிய வளைவுகளில் ஒலி எழுப்பி வாகனத்தை குறிப்பிட்ட வேகத்தில் இயக்கவும் கோத்தகிரி போக்குவரத்து ஆய்வாளர் சரவணனக்குமார் தலைமையிலான காவலர்கள் வாகன ஓட்டிகளுக்கு அறிவுறுத்தி வருகின்றனர். மேலும், மலைப்பாதையில் பயணிக்கும் போது ஏதேனும் இடர்பாடுகள் ஏற்பட்டால் உடனே காவல்துறையினருக்கு தகவல் தெரிவிக்கவும் அறிவுறுத்தப்பட்டுள்ளது.

மேலும் செய்திகள்

LikeGamezop
Like Us on Facebook Dinkaran Daily News
  • raksha-rakhi-8

    ரக்‌ஷா பந்தனை முன்னிட்டு சென்னை சவுகார்பேட்டையில் ராக்கி கயிறு விற்பனை படு ஜோர்..!!

  • china_taiwan

    தைவான் கடல் எல்லைக்குள் ஏவுகணைகளை வீசி சீன ராணுவம் போர் பயிற்சி..!!

  • guinness-record-pull-ups-08

    பறக்கும் ஹெலிகாப்டரில் 25 புல் அப்ஸ் எடுத்து கின்னஸ் சாதனை படைத்த யூடியூபர்!

  • egypt-sun-temple-8

    எகிப்தில் 4500 ஆண்டு பழமையான சூரிய கோவில் கண்டுபிடிப்பு; தொல்லியல் துறை அசத்தல்..!!

  • vice-ele-6

    குடியரசு துணைத் தலைவர் தேர்தல்: ஜனநாயக கடமையாற்றிய பிரதமர் நரேந்திர மோடி, காங். எம்.பி. ராகுல் காந்தி..!!

படங்கள் வீடியோ கல்வி சினிமா ஜோ‌திட‌ம்