மயிலாடுதுறை, ஏப்.28: மயிலாடுதுறையில் 9 அம்ச கோரிக்கைகளை வலியுறுத்தி கார், வேன், ஆட்டோ மற்றும் லோடு வேன் ஓட்டுநர்கள், உரிமையாளர்கள் கண்டன ஆர்ப்பாட்டம் நடத்தினர். பெட்ரோல், டீசல் விலை உயர்வைக் கண்டித்தும், 15 ஆண்டுகள் முடிந்த வாடகை வாகனங்களுக்கான உரிம கட்டண உயர்வை ரத்து செய்ய வேண்டும். சுங்கக் கட்டண உயர்வை ரத்து செய்ய வேண்டும். செக் போஸ்ட்களில் கட்டாய வசூலை நிறுத்தவேண்டும் உள்ளிட்ட 9 அம்ச கோரிக்கைகளை வலியுறுத்தி மயிலாடுதுறையில் கண்டன ஆர்ப்பாட்டம் நடைபெற்றது. மயிலாடுதுறை தாலுகா அலுவலகம் முன்பு மாவட்ட தலைவர் அன்பு தலைமையில் மாவட்ட கார், வேன், ஆட்டோ மற்றும் லோடு வேன்
ஓட்டுநர்கள் மற்றும் உரிமையாளர்கள் சங்கத்தின் சார்பில் நடைபெற்ற ஆர்ப்பாட்டத்தில் கோரிக்கைகளை வலியுறுத்தி முழக்கங்கள் எழுப்பினர்.