வத்திராயிருப்பு, ஏப். 20: வத்திராயிருப்பு அருகே ரெங்கப்பநாயக்கர்பட்டி ரேஷன் கடையில் இருந்து பஜார் வரை செல்ல கூடிய தெருவில் பேவர் பிளாக் கற்கள் பதிக்கப்பட்டு இருந்தது.
இந்நிலையில், ரெங்கப்பநாயக்கர்பட்டி ஊராட்சியில் இருந்து குடிநீர் குழாய் கொடுப்பதற்காக பேவர் பிளாக் கற்கள் தோண்டப்பட்டது. ஆனால், அதன்பின் முறையாக மூடப்படாததால், 5 இடங்கள் வரை பள்ளமானது. இதனால், அந்த வழியே சென்றவர்கள் பள்ளத்தில் தடுமாறி விழ வேண்டிய சூழ்நிலை ஏற்பட்டது

இதுகுறித்து, தினகரன் நாளிதழிலில் படத்துடன் செய்தி வௌியானது. இதன் எதிரொலியாக, குடிநீர் குழாய்க்காக தோண்டப்பட்ட இடத்தில் சிமெண்ட் போட்டு சரி செய்யப்பட்டுள்ளது.
 இதனால், அப்பகுதி மக்கள் மகிழ்ச்சியடைந்துள்ளனர். மேலும், அந்த இடத்தில் மீண்டும் பேவர் பிளாக் கற்கள் பதிக்க வேண்டும் என கோரிக்கையும் விடுத்துள்ளனர்.