SUN குழுமத்திலிருந்து வெளிவரும் காலை நாளிதழ்

நல்லம்பள்ளி அருகே குட்கா கடத்திய வழக்கில் வேன் உரிமையாளர் கைது

1/29/2022 8:10:08 AM

நல்லம்பள்ளி, ஜன.29: டெல்லியிலிருந்து ரயில்வே தண்டவாள உதிரி பாகங்களை ஏற்றிய லாரி ஒன்று, கேரள மாநிலத்தை நோக்கி சென்றது. நல்லம்பள்ளி அடுத்துள்ள வெள்ளக்கல் அருகே, நேற்று முன்தினம் இரவு வந்து கொண்டிருந்தது. அப்போது இந்த லாரியின் பின்னால் பெங்களூருவிலிருந்து சேலத்தை நோக்கி சென்று கொண்டிருந்த சரக்கு வாகனம், டிரைவரின் கட்டுப்பாட்டை இழந்து அதிவேகமாக லாரியின் பின்புறம் மோதி விபத்துக்குள்ளானது. விபத்து குறித்து தகவல் அறிந்து வந்த தொப்பூர் போலீசார் சம்பவ இடத்திற்கு சென்று பார்த்த போது, விபத்தை ஏற்படுத்திய சரக்கு வாகன டிரைவர் தப்பியோடியது தெரியவந்தது.

வாகனத்தை போலீசார் சோதனை செய்த போது, அதில் தடை செய்யப்பட்ட குட்கா போதை பொருள் கடத்தி வந்தது தெரிந்தது. இதையடுத்து போலீசார் சரக்கு வாகனத்தில் இருந்த, ₹4லட்சம் மதிப்பிலான குட்காவை பறிமுதல் செய்து காவல் நிலையத்திற்கு கொண்டு சென்றனர். இது குறித்து வழக்குப்பதிவு செய்து போலீசார் விசாரணை நடத்தி வந்தனர். இதில், குட்கா கடத்தலுக்கு பயன்படுத்திய வாகனம், சேலம் மாவட்டம் செந்தாரப்பட்டியை சேர்ந்த கார்த்திக் (31) என்பவருக்கு சொந்தமானது என தெரியவந்தது. இதையடுத்து தொப்பூர் போலீசார் அவரை கைது செய்தனர்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்