திருப்புத்தூர், ஜன. 29: திருப்புத்தூர்  ஒன்றியத்திற்குட்பட்ட திருப்புத்தூர் பேரூராட்சியில் 18 வார்டுகள்,  நெற்குப்பை பேரூராட்சியில் 12 வார்டுகள் உள்ளன. 2 பேரூராட்சிகளிலும்  நகர்ப்புற உள்ளாட்சி தேர்தலில் போட்டியிட திமுக, அதிமுக உள்ளிட்ட பல்வேறு  அரசியல் கட்சினர் மற்றும் சுயேச்சைகள் ஆர்வம் காட்டி வருகின்றனர்.  உள்ளாட்சி தேர்தலில் போட்டியிட நேற்று முதல் வேட்பு மனுக்கள் விநியோகம்  செய்யப்பட்ட நிலையில் முதல் நாளிலே திருப்புத்தூர் பேரூராட்சி அலுவலகத்தில்  61 மனுக்களும், நெற்குப்பை பேரூராட்சி அலுவலகத்தில் 29 மனுக்களும் அரசியல்  கட்சி பிரமுகர்கள், சுயேட்சைகள் என பலரும் வாங்கி சென்றுள்ளனர். ஆனால்  நேற்று யாரும் வேட்பு மனு தாக்கல் செய்யவில்லை.