SUN குழுமத்திலிருந்து வெளிவரும் காலை நாளிதழ்

உடுமலை அருகே சுற்றுச்சூழலுக்கு பாதிப்பை ஏற்படுத்தும் காகித ஆலையை மூட வேண்டும்

1/26/2022 3:06:49 AM

திருப்பூர்:  உடுமலை அருகே சுற்றுச்சூழலுக்கு பாதிப்பை ஏற்படுத்தும் காகித ஆலையை மூட வேண்டும் என, கலெக்டர் அலுவலகத்தை விவசாயிகள் முற்றுகையிட்டு மனு கொடுத்தனர். திருப்பூர் மாவட்ட கலெக்டர் வினித்திடம், கட்சி சார்பற்ற தமிழக விவசாயிகள் சங்கம் மற்றும் ஏர்முனை இளைஞரணி சார்பில் ஒரு மனு கொடுக்கப்பட்டது. அந்த மனுவில் அவர்கள் கூறியிருப்பதாவது:

உடுமலை வட்டாரம் பள்ளபாளையம் கிராமத்தில் கடந்த 9 ஆண்டுகளாக தனியார் காகித ஆலை செயல்பட்டு வருகிறது. பல்வேறு ஊர்களில் சேகரிக்கப்படும் கழிவுகளை மறுசுழற்சி செய்து பேப்பர் தயாரிக்கும் இந்த ஆலையில் இருந்து வெளியேறும் கரும்புகை மற்றும் துர்நாற்றம், கழிவுநீரால் இந்த பகுதி மக்கள் மிகவும் கடுமையாக பாதிக்கப்பட்டு வருகிறார்கள்.

முற்றிலும் விவசாயம் செய்யும் இந்த கிராமத்தில் தென்னந்தோப்புகளுக்கு நடுவில் இயங்கும் இந்த ஆலை வெளியேற்றும் கழிவுநீரால் நிலத்தடி நீர் கடுமையாக பாதிக்கப்படுகிறது. கால்நடைகள் பல மூச்சுத்திணறல் ஏற்பட்டு இறந்து வருகின்றன. இது குறித்து மாசுக்கட்டுப்பாட்டு வாரிய அதிகாரிகளிடம் புகார் தெரிவித்தும் நடவடிக்கை எடுக்கப்படவில்லை. எனவே சுற்றுச்சூழலுக்கு பாதிப்பை ஏற்படுத்தும் இந்த காகித ஆலையை மூட வேண்டும். இவ்வாறு அதில் கூறப்பட்டுள்ளது.

முன்னதாக இந்த கோரிக்கையை வலியுறுத்தி கலெக்டர் அலுவலகத்தை முற்றுகையிட்டு போராட்டத்தில் ஈடுபட்டனர். இதில் கட்சி சார்பற்ற தமிழக விவசாயிகள் சங்க மாநில தலைவர் சண்முகம், செயல் தலைவர் வெற்றி, துணைத்தலைவர் சண்முக சுந்தரம், மாவட்ட தலைவர் ஈஸ்வரன், மாநகர் மாவட்ட தலைவர் கோகுல்ரவி, ஏர்முனை இளைஞர் அணி துணைத்தலைவர் ஈஸ்வரமூர்த்தி உள்பட பலர் கலந்துகொண்டனர்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்