SUN குழுமத்திலிருந்து வெளிவரும் காலை நாளிதழ்

பூதலூர்-தஞ்சை இடையே

1/26/2022 12:27:44 AM

வல்லம், ஜன.26: தஞ்சை மாவட்டம் பூதலூர் மிக முக்கிய பகுதியாக உள்ளது. இப்பகுதி வழியாக பிரசித்தி பெற்ற பூண்டி பேராலயம், கல்லணை, திருக்காட்டுப்பள்ளி அக்னீஸ்வர சுவாமி கோயில் உட்பட பல பகுதிகளுக்கு சுற்றுலா பயணிகள் தினமும் சென்று வருகின்றனர். மேலும் தஞ்சையில் உள்ள வர்த்தக நிறுவனங்கள், அரசு அலுவலகங்கள் ஆகியவற்றுக்கு பூதலூர் பகுதியை சேர்ந்தவர்கள் பைக்குகளில் தினமும் சென்று வருகின்றனர். ஊராட்சி சாலைகள் மேம்பாட்டு திட்டத்தின்படி கடந்த சில மாதங்களுக்கு முன்பு பூதலூர் ஊராட்சி ஒன்றியத்தில் உள்ள சாலைகள் அகலப்படுத்தப்பட்டன. அந்த வகையில் தஞ்சை செல்லும் சாலையும் அகலப்படுத்தப்பட்டது. இந்த சாலையின் இடையில் உள்ள பாசன வாய்க்கால் பாலங்கள் அகலப்படுத்தப்பட வேண்டும் என்பதால் அந்த பகுதியில் மட்டும் சாலை போடப்படாமல் உள்ளது. இந்த சாலை வழியாக தினமும் ஆயிரக்கணக்கான பைக்குகள், கார்கள், அரசு பேருந்துகள், தனியார் பேருந்துகள், நெல் கொள்முதல் நிலையத்திற்கு செல்லும் லாரிகள் என்று சென்று வருகின்றன. கடந்த சில மாதங்களாக பாசன வாய்க்கால் அகலப்படுத்தப்படாமல் உள்ளதால் அந்த இடத்தில் சாலை ஜல்லிகள் பெயர்ந்து காணப்படுகிறது. பணிகள் நடக்காமல் உள்ளது. இதனால் அந்த இடத்தை கடக்க பைக்கில் செல்பவர்கள் தடுமாறும் நிலை உள்ளது. மேலும் இரவு நேரத்தில் பணி முடிந்து பூதலூர், அய்யனாபுரம், ஒரத்தூர், ஆவாரம்பட்டி, விண்ணமங்லம் உட்பட பகுதிகளுக்கு செல்பவர்கள் தடுமாறி விழும் நிலை உள்ளது. பாசன வாய்க்கால் பணிகளை தொடங்காவிட்டாலும் அந்த பகுதியில் சாலையை உடன் சீரமைத்து தர வேண்டும் என்று பொதுமக்கள் கோரிக்கை விடுத்துள்ளனர்.

மேலும் செய்திகள்

Like Us on Facebook Dinkaran Daily News
  • America_Truck

    அமெரிக்காவில் டெக்சாஸ் மாகாணத்தில் லாரி ஒன்றில் 53 அகதிகள் சடலமாக மீட்பு... 16 பேர் கவலைக்கிடம்!!

  • wild-fire-california-30

    கலிபோர்னியாவில் மீண்டும் பற்றி எரியும் காட்டுத் தீ..135 ஏக்கர் வனப்பகுதி தீக்கிரை..!!

  • tailllo111

    நுபுர் சர்மாவை ஆதரித்த டெய்லர் தலை துண்டித்து கொடூர கொலை ராஜஸ்தானில் வன்முறை, போராட்டம்!!

  • glass-park-29

    ஆச்சர்யமூட்டும் கலைநயம்!: அமெரிக்கா சியாட்டெலில் அமைந்துள்ள கண்ணாடி பூங்காவின் வியக்க வைக்கும் புகைப்படங்கள்..!!

  • america_tra11

    அமெரிக்காவில் ரயில் தடம் புரண்டு 3 பேர் பரிதாப சாவு; 50 பேர் காயம்

படங்கள் வீடியோ கல்வி சினிமா ஜோ‌திட‌ம்