ஒட்டன்சத்திரம், ஜன. 22: தோட்டக்கலை உதவி இயக்குனர் ராஜமுருகன் தகவல்: ஒட்டன்சத்திரம் வட்டாரத்தில் தோட்டக்கலை மற்றும் மலைப்பயிர்கள் துறை சார்பில் மாடித்தோட்ட காய்கறி தொகுப்பு வழங்கப்பட்டு வருகிறது. இதில், மாடித்தோட்ட தளைகளில் 6 வகையான காய்கறி விதைகள், செடி வளர்க்கும் பைகள் 6 எண்ணிக்கை, தென்னை நார் கட்டிகள், 400 கிராம் உயிர் உரங்கள், 200 கிராம் உயிர் கட்டுப்பாட்டு காரணிகள், 100 மில்லி இயற்கை பூச்சி கொல்லி மருந்து, சாகுபடி முறைகள் விளக்கக் கையேடு அடங்கிய தொகுப்பு உள்ளது. இதில் பயனாளிகளின் பங்குத் தொகை ரூ. 225 ஆகும். இத்திட்டத்தில் பயன்பெற ஆதார் நகலுடன் ஒட்டன்சத்திரம் வட்டார தோட்டக்கலைத் துறை அலுவலகத்தை தொடர்பு கொள்ளலாம் என தெரிவித்துள்ளார்.