SUN குழுமத்திலிருந்து வெளிவரும் காலை நாளிதழ்

அடுத்தடுத்து 10 கடைகளில் கொள்ளை முயற்சி : சிசிடிவி மூலம் மர்ம நபர்களுக்கு வலை

1/22/2022 12:05:11 AM

திருவள்ளூர்: திருமழிசை ஜெகநாதபுரம் பகுதியை சேர்ந்தவர் தாளமுத்தரசன்(33). இவர் சென்னை - திருப்பதி தேசிய நெடுஞ்சாலையில் மளிகை கடை வைத்து நடத்தி வருகிறார். நேற்று முன்தினம் இரவு வழக்கம்போல் கடையை மூடி விட்டு வீட்டுக்கு சென்றார். நேற்று காலை சென்று பார்த்தபோது கடையின் முன் பக்கத்தில் இருந்த இரண்டு பூட்டுகள் உடைக்கப்பட்டிருப்பதை கண்டு அதிர்ச்சி அடைந்தார். உள்ளே சென்று பார்த்தபோது கல்லாப்பெட்டியும் உடைக்கப்பட்டு அதிலிருந்த ₹25 ஆயிரம் ரொக்கம், ₹20 ஆயிரம் மதிப்புள்ள சிகரெட் பண்டல்கள் மற்றும் மளிகை பொருட்கள் திருடுபோனது தெரியவந்தது. மேலும், அவரது கடைக்கு அருகே உள்ள ஜானகிராமன் என்பவரின் செல்போன் கடையின் பூட்டை உடைத்த நபர்கள் அந்த கடையில் இருந்த  ₹1000த்தை திருடிச்சென்றனர். இதேபோல், அதே பகுதியில் உள்ள வைத்திலிங்கம் என்பவரின் சூப்பர் மார்க்கெட், விஜயன் நடித்தி வரும் துணிக்கடை, சீனிவாசன் நடத்திவரும் எலக்ட்ரிக் கடை, ஜெகன் நடத்திவரும் மளிகை கடை, தாரா ராம் நடத்தி வரும் மற்றொரு எலக்ட்ரிக் கடை, தமிழரசன் நடத்திவரும் அரிசி கடை, மகேஷ் நடத்திவரும் செல்போன் கடை என அடுத்தடுத்து 10 கடைகளின் பூட்டை உடைத்து மர்ம நபர்கள் திருட முயற்சி செய்துள்ளது தெரியவந்தது.

ஆனால் அந்த கடைகளின் பூட்டை உடைக்க முடியாததால் கடைகளில் திருட்டு சம்பவம் ஏதும் நடைபெறவில்லை. இச்சம்பவம் குறித்து பாதிக்கப்பட்ட கடைக்காரர்கள் வெள்ளவேடு காவல் நிலையத்தை முற்றுகையிட்டு இது தொடர்பாக புகார் மனு அளித்தனர். மேலும் கொள்ளை சம்பவம் நடந்த கடைகளில் மர்ம நபர்கள் கடையின் பூட்டை உடைக்கும் காட்சிகள் அப்பகுதியில் இருந்த கண்காணிப்பு கேமராக்களில் பதிவாகி இருந்தது. இந்த காட்சிகளை வைத்து போலீசார் குற்றவாளிகள் யார் என தீவிரமாக விசாரித்து வருகின்றனர். திருமழிசை பகுதியில் 10 கடைகளின் பூட்டை உடைத்து கொள்ளை நடந்த சம்பவம் அப்பகுதியில் பெரும் பரபரப்பை ஏற்படுத்தி உள்ளது.

இரவு நேர ரோந்து பணி
இரவு நேரங்களில் போலீசார் ரோந்து பணியில் ஈடுபட்டு இதுபோன்ற கொள்ளை சம்பவங்களை தடுக்க வேண்டும் என திருமழிசை பகுதியை சேர்ந்த வியாபாரிகள் கோரிக்கை வைத்துள்ளனர்.


மேலும் செய்திகள்

Like Us on Facebook Dinkaran Daily News
  • HOTDOGGG111

    ஹாட் டாக் பன் சாப்பிடும் போட்டி : 10 நிமிடங்களில் 63 பன்கள் சாப்பிட்டு ஜோய் செஸ்ட்நட் என்பவர் சாம்பியன்..!

  • SYDNEYY111

    தொடர் கனமழை : சிட்னி நகரத்தை சூழ்ந்த வெள்ளம்.. 50 ஆயிரம் மக்கள் வீடுகளை விட்டு வெளியேற அறிவுறுத்தல்..

  • Mexico_Mayor

    மெக்சிகோவில் விநோதம்.! பெண் முதலையை முத்தம் கொடுத்து மணந்த மேயர்!!

  • manipurlandaa1

    தோண்ட தோண்ட சடலங்கள்.. மணிப்பூரில் ஏற்பட்ட நிலச்சரிவில் சிக்கி உயிரிழந்தவர்களின் எண்ணிக்கை 42 ஆக உயர்வு!!

  • America_Truck

    அமெரிக்காவில் டெக்சாஸ் மாகாணத்தில் லாரி ஒன்றில் 53 அகதிகள் சடலமாக மீட்பு... 16 பேர் கவலைக்கிடம்!!

படங்கள் வீடியோ கல்வி சினிமா ஜோ‌திட‌ம்