SUN குழுமத்திலிருந்து வெளிவரும் காலை நாளிதழ்

வேலூர் மத்திய சிறையில் முருகனை சந்தித்து பேச பரோலில் வெளிவந்த நளினிக்கு அனுமதி வரும் 8ம் தேதி சந்திப்பதாக அதிகாரிகள் தகவல்

1/4/2022 2:13:17 AM

வேலூர், ஜன.4: வேலூர் மத்திய சிறையில் உள்ள முருகனை சந்தித்து பேச பரோலில் வெளிவந்துள்ள நளினிக்கு அனுமதி அளிக்கப்பட்டுள்ளதாக சிறைத்துறை அதிகாரிகள் தெரிவித்தனர். முன்னாள் பிரதமர் ராஜிவ்காந்தி கொலை வழக்கில் ஆயுள் தண்டனை அனுபவித்து வரும் முருகன் வேலூர் மத்திய சிறையில் அடைக்கப்பட்டுள்ளார். இந்நிலையில் பெண்கள் தனிச்சிறையில் அடைக்கப்பட்டிருந்த அவரது மனைவி நளினி ஒரு மாத பரோலில் கடந்த 27ம் தேதி விடுவிக்கப்பட்டார். தற்போது காட்பாடி பிரம்மபுரத்தில் உள்ள உறவினர் வீட்டில் தங்கியுள்ளார். இந்நிலையில் சிறையில் நளினி, முருகன் இருவரும் 15 நாட்களுக்கு ஒருமுறை சந்தித்து பேச கோர்ட் அனுமதி அளித்துள்ளது. அதன்படி தற்போது பரோலில் வெளிவந்துள்ள நளினி, கணவன் முருகனை 15 நாட்களுக்கு ஒருமுறை சந்தித்து பேச அனுமதிக்க வேண்டும் என்று வேலூர் எஸ்பி ராஜேஷ்கண்ணனிடம் மனு அளித்திருந்தார். அந்த மனு சிறை கண்காணிப்பாளர் அலுவலகத்துக்கு அனுப்பி வைக்கப்பட்டது. அதற்கு விளக்கம் அளித்துள்ள சிறை நிர்வாகம், ‘நளினி-முருகன் சந்தித்துப் பேச தடை எதுவுமில்லை. நளினி வேலூர் மத்திய சிறையில் முருகனை சந்திக்க வரும்போது முகக்கவசம் அணிந்து, கொரோனா வழிகாட்டு நெறிமுறைகளை கடைப்பிடிக்க வேண்டும்’ என தெரிவித்தது. அதன்படி பரோலில் வந்துள்ள நளினி, வேலூர் மத்திய சிறையில் உள்ள முருகனை வரும் 8ம் தேதி சந்தித்து பேச உள்ளதாக சிறைத்துறை அதிகாரிகள் தெரிவித்தனர்.

மேலும் செய்திகள்

Like Us on Facebook Dinkaran Daily News
  • sri_langa

    மோசமான நிலையில் இலங்கை..!! பொருளாதார நெருக்கடியில் அல்லல்படும் மக்கள்

  • sydney-snow-27

    மூடுபனிக்கு நடுவே காட்சியளிக்கும் சிட்னி நகரம்!: பனியால் மூடப்பட்ட பிரம்மாண்ட வானுயர்ந்த கட்டிடங்கள்..!!

  • modistaaa

    ஒரே மேடையில் முதல்வர் மு.க.ஸ்டாலின்- பிரதமர் மோடி : தமிழகத்தில் ரூ.31,500 கோடி மதிப்பிலான திட்டங்களை தொடக்கி வைத்தார்!!

  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

படங்கள் வீடியோ கல்வி சினிமா ஜோ‌திட‌ம்