SUN குழுமத்திலிருந்து வெளிவரும் காலை நாளிதழ்

திருவில்லிபுத்தூரில் கிறிஸ்துமஸ் கீத ஆராதனை

12/13/2021 2:20:45 AM

திருவில்லிபுத்தூர், டிச. 13: திருவில்லிபுத்தூர் சிஎஸ்ஐ தூய தோமா தேவாலயத்தில் நேற்று கிறிஸ்துமஸ் கீத ஆராதனை நடைபெற்றது. கிறிஸ்துமஸ் பண்டிகை இம்மாதம் கொண்டாடப்படுவதையொட்டி, உலகெங்கும் உள்ள கிறிஸ்தவர்கள் 1 மாதத்திற்கு முன்பே இதற்கான ஆயத்தப்பணிகளை வீடுகள் மற்றும் தேவாலயங்களில் செய்வார்கள். கிறிஸ்தவர்கள் தங்களது வீடுகளில் இயேசு கிறிஸ்துவின் பிறப்பைக் குறிக்கும் வகையில் குடில்கள் அமைத்து, நட்சத்திரங்களால் வீடுகளை அலங்கரிப்பார்கள். தேவாலயங்களிலிருந்து கிறிஸ்துமஸ் தாத்தாவுடன் சபை மக்கள் வீடுகளுக்கு பாடல்களைப் பாடிக்கொண்டு சென்று வாழ்த்து சொல்லும் நிகழ்ச்சி நடைபெறும்.

மேலும், இதன் தொடர்ச்சியாக வில்லிபுத்தூர் தோமா தேவாலயத்தில் பாடகர் குழு சார்பில் கிறிஸ்துமஸ் கீத ஆராதனை நிகழ்ச்சி சபைகுரு பால் தினகரன் தலைமையில் நடைபெற்றது. பாடகர் குழுவின் தலைவர் எட்வின் கனகராஜ் தலைமையில் பாடகர் குழுவினர் சிறப்பு கிறிஸ்துமஸ் பாடல்களைப் பாடினர். உதவி குருக்கள் சாலமோன், காட்வின் ஆகியோர் வேத பாடங்கள் வாசித்தனர். தூத்துக்குடியைச் சேர்ந்த சாம் அர்னால்டு சிறப்பு தேவ செய்தியளித்தார். இந்த ஆராதனையில் ஏராளமான சபை மக்கள் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • glass-park-29

    ஆச்சர்யமூட்டும் கலைநயம்!: அமெரிக்கா சியாட்டெலில் அமைந்துள்ள கண்ணாடி பூங்காவின் வியக்க வைக்கும் புகைப்படங்கள்..!!

  • america_tra11

    அமெரிக்காவில் ரயில் தடம் புரண்டு 3 பேர் பரிதாப சாவு; 50 பேர் காயம்

  • asaam_rain

    அசாம் வெள்ளப்பெருக்கு: 135 பேர் உயிரிழந்த நிலையில் மீட்புப்பணிகள் தீவிரம்

  • tour-28

    ஊர் சுற்றலாம் வாங்க!: உள்ளம் கொள்ளை கொள்ளும் அழகான இந்திய சுற்றுலா இடங்களின் புகைப்பட தொகுப்பு..!!

  • ukrainmaalll11

    உக்ரைனில் 1,000 பேர் இருந்த மாலில் ரஷ்யா ஏவுகணை தாக்குதல்: 16 பேர் பலி... 59 பேர் படுகாயம்;

படங்கள் வீடியோ கல்வி சினிமா ஜோ‌திட‌ம்