SUN குழுமத்திலிருந்து வெளிவரும் காலை நாளிதழ்

டாஸ்மாக் மதுக்கடைகள் செயல்படும் நேர மாற்றத்தை திரும்ப பெற வேண்டும்

12/6/2021 3:55:05 AM

ஈரோடு,டிச.6:ஈரோடு மாவட்ட டாஸ்மாக் ஊழியர் சங்கத்தின் நிர்வாகிகள் ஆலோசனை கூட்டம் நடந்தது. கூட்டத்திற்கு சங்க தலைவர் முருகையா தலைமை தாங்கினார். பொதுசெயலாளர் பாண்டியன், துணை தலைவர் பொன் பாரதி, பொருளாளர் ரவிச்சந்திரன் ஆகியோர் முன்னிலை வகித்தனர். இதில், டாஸ்மாக் நிர்வாகம் தற்போது டாஸ்மாக் கடைகள் செயல்பட்டு கொண்டிருக்கும் நேரத்தை பகல் 12 மணி முதல் இரவு 10 மணி வரை என்று மாற்றியமைத்ததை திரும்ப பெற்று, ஏற்கனவே செயல்பட்ட நேரமான காலை 10 மணி முதல் இரவு 8 மணி வரை என்பதையே அமல்படுத்த வேண்டும்.  பாதுகாப்பற்ற இடங்களில் உள்ள டாஸ்மாக் கடைகளை மூட வேண்டும்.

அனைத்து கடைகளுக்கும் நிர்வாகத்தால் புதிதாக வழங்கப்பட்ட லாக்கர்கள் வழங்க வேண்டும். கடையின் விற்பனை தொகையை சென்னையை போலவே டாஸ்மாக் நிறுவனமே நேரடியாக வங்கி மூலம் வந்து பெற்றுக் கொள்ள வேண்டும். அனைத்து ஊழியர்களுக்கும் பொருந்தக்கூடிய வகையில் பொது இடமாறுதல் அமல்படுத்த வேண்டும். கடந்த திமுக ஆட்சியில் வழங்கப்பட்டு வந்த ஊக்கத் தொகையை அனைத்து ஊழியர்களுக்கும் மீண்டும் வழங்க வேண்டும்.டாஸ்மாக் கடைகளுக்குள் பொருத்தப்பட்டுள்ள கேமரா போன்று கடைக்கு வெளியிலும் கேமரா பொருத்த வேண்டும். பணி நிரந்தரம் பணிப்பாதுகாப்பு, காலமுறை ஊதியம் வழங்க வேண்டும். உடையும் பாட்டில்களுக்கு இழப்பீடு வழங்க வேண்டும் என்பன உள்ளிட்ட கோரிக்கைகள் தீர்மானங்களாக நிறைவேற்றப்பட்டது.

மேலும், இதே கோரிக்கைகளை வலியுறுத்தி ஈரோட்டில் இன்று(6ம் தேதி) ஆர்ப்பாட்டம் நடத்துவது எனவும் தீர்மானிக்கப்பட்டது. கூட்டத்தில் ஏராளமான டாஸ்மாக் ஊழியர்கள், சங்க நிர்வாகிகள் பலர் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • sri_langa

    மோசமான நிலையில் இலங்கை..!! பொருளாதார நெருக்கடியில் அல்லல்படும் மக்கள்

  • sydney-snow-27

    மூடுபனிக்கு நடுவே காட்சியளிக்கும் சிட்னி நகரம்!: பனியால் மூடப்பட்ட பிரம்மாண்ட வானுயர்ந்த கட்டிடங்கள்..!!

  • modistaaa

    ஒரே மேடையில் முதல்வர் மு.க.ஸ்டாலின்- பிரதமர் மோடி : தமிழகத்தில் ரூ.31,500 கோடி மதிப்பிலான திட்டங்களை தொடக்கி வைத்தார்!!

  • peru_Clowns Day

    பெரு நாட்டில் களைகட்டிய கோமாளிகள் தினம்.!! குழந்தைகளுடன் மக்கள் உற்சாக வரவேற்பு

  • yercaussss

    ஏற்காட்டில் கோடை விழா: பட்டாம்பூச்சி, சின்சான் உருவம், மஞ்சப்பை உள்ளிட்ட வடிவங்கள் மலர்களால் வடிவமைப்பு!!

படங்கள் வீடியோ கல்வி சினிமா ஜோ‌திட‌ம்