SUN குழுமத்திலிருந்து வெளிவரும் காலை நாளிதழ்

உரங்களை கூடுதல் விலைக்கு விற்றால் கடும் நடவடிக்கை

4/23/2021 1:23:38 AM

நெல்லை, ஏப். 23: உரங்களை கூடுதல் விலைக்கு விற்றால் கடும் நடவடிக்கை எடுக்கப்படும் என வேளாண்மை இணை இயக்குநர் கஜேந்திரபாண்டியன் எச்சரித்துள்ளார்.இதுகுறித்து அவர் கூறியிருப்பதாவது: நெல்லை மாவட்டத்தில் 3,429.61 மெட்ரிக் டன் யூரியா, 415.989 மெட்ரிக் டன் டிஏபி, 1055.63 மெட்ரிக் டன் பொட்டாஷ், 2035.584 மெட்ரிக் டன் காம்ப்ளக்ஸ் என மொத்தம் 6,936.81 மெட்ரிக் டன் உரங்கள் தனியார் மற்றும் கூட்டுறவு விற்பனை நிலையங்களில் இருப்பு வைக்கப்பட்டுள்ளது. 2020-21ம் ஆண்டு விலையிலேயே 2021-22ம் ஆண்டிற்கான டிஏபி, பொட்டாஷ், சூப்பர் பாஸ்பேட், காம்ப்ளக்ஸ் உரங்களை விற்பனை செய்ய வேண்டும் என மத்திய உரத்துறை தெரிவித்துள்ளது. உரங்களை கூடுதல் விலைக்கு விற்றால் உரக்கட்டுப்பாடு சட்டம் 1985ன் கீழ் கடும் நடவடிக்கை எடுக்கப்படும்.மேலும் உர விற்பனையாளர்கள் உர உரிமத்தில் அனுமதி வழங்கப்பட்ட நிறுவனங்களிடம் இருந்து மட்டும் உரம் கொள்முதல் செய்ய வேண்டும். உர மூட்டைகளில் குறிப்பிட்டுள்ள அதிகபட்ச விலைக்கு மிகாமல் உரங்களை விற்பனை செய்ய வேண்டும். விற்பனையின் போது உரம் வாங்குபவருக்கு உரிய ரசீது வழங்க வேண்டும். உரம் வாங்கிச் செல்லும் போது விவசாயிகள் அரசு அறிவித்துள்ளபடி கண்டிப்பாக முக கவசம் அணிந்து சமூக இடைவெளியை கடைப்பிடிக்க வேண்டும். அதிகாரிகள் திடீர் ஆய்வின் போது வழிமுறைகளை பின்பற்றாமல் இருந்தாலும், கூடுதல் விலைக்கு உரம் விற்பனை செய்தாலும், ஆவணமின்றி விற்பனையில் ஈடுபட்டாலும் உரக்கட்டுப்பாடு சட்டத்தின்படி கடும் நடவடிக்கை எடுக்கப்படும். இவ்வாறு அவர் தெரிவித்துள்ளார்.


மேலும் செய்திகள்

Like Us on Facebook Dinkaran Daily News
  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

படங்கள் வீடியோ கல்வி சினிமா ஜோ‌திட‌ம்