SUN குழுமத்திலிருந்து வெளிவரும் காலை நாளிதழ்

(வேலூர்) கெங்கை அம்மன் கோயிலுக்கு பக்தர்களின் வருகை குறைந்தது குடியாத்தத்தில் கொரோனா தொற்று அச்சம்

4/20/2021 1:45:18 AM

குடியாத்தம், ஏப். 20: குடியாத்தத்தில் கொரோனா தொற்று அச்சம் காரணமாக கெங்கையம்மன் கோயிலுக்கு பக்தர்கள் வருகை குறைந்தது. வேலூர் மாவட்டம், குடியாத்தம் கெங்கை அம்மன் சிரசு திருவிழா பிரசித்தி பெற்ற திருவிழா ஆகும். ஆண்டுதோறும் வைகாசி 1ம் தேதி சிரசு திருவிழா நடைபெறுவது வழக்கம். முன்னதாக திருத்தேர் ஊர்வலம் நடைபெறும். இதில் தமிழகம் மட்டுமின்றி ஆந்திரா, கர்நாடகா, கேரளா உள்ளிட்ட மாநிலங்களில் இருந்து லட்சக்கணக்கான பக்தர்கள் கலந்து கொண்டு சுவாமி தரிசனம் செய்வார்கள். இதற்காக ஒரு மாதத்திற்கு முன்னரே குடியாத்தம் கெங்கை அம்மன் கோயில் வளாகத்தில் பக்தர்கள் நேர்த்திக்கடனாக தேங்காய் உடைத்தும், பொங்கல் வைத்தும், ஆடு, கோழிகளை பலியிட்டு அம்மனுக்கு சிறப்பு பூஜை செய்து வழிபட்டு வருவது வழக்கம். மேலும், குடியாத்தம் நேதாஜி பஸ் நிலைய பகுதியில் திருவிழாக்காலங்களில் கூட்ட நெரிசலாக காணப்படும்.

ஆனால், தற்போது ெகாரோனா தொற்று பரவல் காரணமாக தமிழக அரசு குடியாத்தம் கெங்கையம்மன் சிரசு திருவிழா நடத்த தடை விதித்துள்ளது. இதனால், பிரசித்திபெற்ற கெங்கை அம்மன் கோயிலில் பக்தர்களின் வருகை குறைந்ததால் வெறிச்சோடி உள்ளது. ஊரடங்கு தளர்வுக்கு பிறகு கடந்த 6 மாதங்களாக பக்தர்கள் கூட்டம் அலைமோதியது. விடுமுறை நாட்களில் நீண்ட வரிசையில் பல மணி நேரம் காத்திருந்து பக்தர்கள் சுவாமி தரிசனம் செய்தனர். இந்நிலையில், கொரோனா தொற்று பரவல் மீண்டும் அதிகரித்துள்ளதால் கெங்கை அம்மன் கோயிலில் பக்தர்கள் கூட்டம் குறைந்துள்ளது. மேலும், விடுமுறை நாட்களில் வெளியூர் பக்தர்கள் எண்ணிக்கை அதிகளவில் இருக்கும். ஆனால் கடந்த சனி மற்றும் ஞாயிற்றுக்கிழமைகளில் வெளியூர் பக்தர்கள் வருகை குறைந்துவிட்டதால் கோயிலில் கூட்டமின்றி வெறிச்சோடியது.

மேலும் செய்திகள்

Like Us on Facebook Dinkaran Daily News
  • iceberg-boat-23

    இது படகா...இல்ல பனிப்பாறையா...?: பிரான்ஸ் ஓவியரின் கில்லாடி ஐடியா..!!

  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

படங்கள் வீடியோ கல்வி சினிமா ஜோ‌திட‌ம்