SUN குழுமத்திலிருந்து வெளிவரும் காலை நாளிதழ்

நாகையில் மாங்காய் சீசன் துவங்கியது வியாபாரிகள் வராததால் விவசாயிகள் ஏமாற்றம்

4/20/2021 1:25:24 AM

நாகை, ஏப்.20: நாகையில் மாங்காய் சீசன் துவங்கியுள்ள நிலையில் கொரோனா வைரஸ் பரவல் காரணமாக உரிய விலை கிடைக்கவில்லை என விவசாயிகள் வேதனையுடன் தெரிவிக்கின்றனர். நாகை மாவட்டத்தில் காமேஷ்வரம், விழுந்தமாவடி, தெற்கு பொய்கைநல்லூர், பிரதாபராமபுரம், காமேஸ்வரம், புதுப்பள்ளி, வேட்டைக்காரனிருப்பு உள்ளிட்ட கடலோர பகுதிகளில் ஆயிரம் ஏக்கரில் ருமேனியா, பங்கனப்பள்ளி, ஒட்டுநீலம், செந்தூரா உள்ளிட்ட மாங்காய் ரகங்களை விவசாயிகள் சாகுபடி செய்து தற்பொழுது பழுக்கும் நிலைக்கு வந்துள்ளது.

இந்த பகுதிகளில் இருந்து கிடைக்கும் மாம்பழங்களுக்கு என்று தனி விலை உள்ளது. அந்த அளவிற்கு ருசி நிறைந்தவையாக இருக்கும். மாங்காய்கள் காய்க்க தொடங்கியவுடனே வெளி மாவட்டங்களில் இருந்து வியாபாரிகள் மாமரம் இருக்கும் விவசாயிகளின் வீட்டிற்கு வந்து விலையை நிர்ணயம் செய்து அதற்குரிய முன் தொகையை செலுத்தி விட்டு சென்றுவிடுவார்கள். ஆனால் தற்போது சீசன் தொடங்கியுள்ள நிலையில் கொரானா பரவல் காரணமாக வெளி மாவட்டங்கள், வெளி மாநிலங்களுக்கு வாங்கி செல்ல வியாபாரிகள் வரவில்லை.

இதனால் மாங்காய் கிலோ ரூ.15 முதல் ரூ.20 வரை மட்டுமே விலை போகிறது. காய்கள் காய்க்கும் போது போட்டி போட்டிக்கொண்டு விலை நிர்ணயம் செய்த காலம் போய் பழமாக மாறும் காலம் வந்தும் உரிய விலை கிடைக்கவில்லை என விவசாயிகள் வேதனையுடன் தெரிவிக்கின்றனர்.

மேலும் செய்திகள்

Like Us on Facebook Dinkaran Daily News
  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

  • cryingroom-19

    இனி வீட்டில் அழுகாதீங்க!: மனதில் உள்ளதைக் கொட்டித் தீர்க்க ஸ்பெயினில் 'அழுகை அறை' அறிமுகம்..!!

படங்கள் வீடியோ கல்வி சினிமா ஜோ‌திட‌ம்