SUN குழுமத்திலிருந்து வெளிவரும் காலை நாளிதழ்

அயோத்தியாப்பட்டணத்தில் மண் பானை விற்பனை அமோகம்

4/20/2021 12:57:54 AM

அயோத்தியாப்பட்டணம், ஏப்.20:  வெயிலின் தாக்கம் அதிகரித்து வரும் நிலையில், அயோத்தியாப்பட்டணத்தில் மண் பானை விற்பனை அதிகரித்துள்ளது. சேலம் மாவட்டத்தில் கடந்த சில நாட்களாக கடும் வெயில் கொளுத்தி வருகிறது. வெயிலால் தற்போது இளநீர், மோர், கம்மங்கூழ் விற்பனை அதிகரித்துள்ளது. அதே போல் ஏசி, பிரிட்ஜ் தேவையும் கூடியுள்ளது. இந்நிலையில், அயோத்தியாப்பட்டணம் பகுதியில் மண் பானை விற்பனை மும்முரமாக உள்ளது. அயோத்தியாப்பட்டணம், காரிப்பட்டி, வாழப்பாடி, புத்திரகவுண்டம்பாளையம் உள்ளிட்ட பகுதிகளில் அதிக அளவில் மண்பாண்ட தொழில் நடைபெற்று வருகிறது. அயோத்தியாப்பட்டணத்தில் சேலம் -கருமந்துறை நெடுஞ்சாலையோரங்களில் 8 லிட்டர் முதல் 15 லிட்டர் வரை கொள்ளளவு கொண்ட மண்பானை செய்து, சுமார் ₹200 முதல் 400 வரை விற்பனை செய்து வருகின்றனர். வெயிலின் தாக்கத்தை தணிக்க, பெரும்பாலானோர் விரும்பி வாங்கிச் செல்வதால், மண்பானை வியாபாரம் சூடு பிடித்துள்ளது. கோடை வெயிலின் காரணமாக தேவை அதிகரித்துள்ளதாலும், பானைகளுக்கு கூடுதல் விலை கிடைப்பதாலும் தொழிலாளர்கள் மண்பானை தயாரிக்க ஆர்வம் காட்டி வருகின்றனர்.

மேலும் செய்திகள்

Like Us on Facebook Dinkaran Daily News
  • thailand-taxi-23

    தாய்லாந்தில் காய்கறித் தோட்டங்களாக மாறிய டாக்சிகள்!: அட்டகாச புகைப்படங்கள்

  • haiti-refugees-21

    ஹைத்தியில் பாதுகாப்பில்லை, வேலையில்லை!: அமெரிக்காவில் தஞ்சமடைய எல்லையில் குவிந்த அகதிகள்..!!

  • drone-21

    புதுசு புதுசா கண்டுபிடிக்குறாங்கப்பா!: கம்போடியாவில் ஆள் ஏற்றி செல்லும் ட்ரோனை உருவாக்கி மாணவர்கள் அசத்தல்..!!

  • saudi-camel-16

    சவுதி அரேபியாவில் கண்டுபிடிக்கப்பட்ட பிரம்மாண்டமான ஒட்டக சிற்பம்!: 7,000 ஆண்டுகளுக்கு முந்தையது என விஞ்ஞானிகள் தகவல்..!!

  • iceland-16

    ஐஸ்லாந்தில் இரவையே பகலாக மாற்றிய எரிமலை தீக்குழம்பு..!!

படங்கள் வீடியோ கல்வி சினிமா ஜோ‌திட‌ம்