SUN குழுமத்திலிருந்து வெளிவரும் காலை நாளிதழ்

சாலை விதிகள் குறித்து படங்களுடன் விழிப்புணர்வு

4/20/2021 12:51:02 AM

தர்மபுரி, ஏப்.20: தர்மபுரி வட்டார போக்குவரத்து அலுவலக சுற்றுச்சுவரில் சாலை போக்குவரத்து விதிகள் குறித்து படங்களுடன் விழிப்புணர்வு வாசகங்கள் எழுதியிருப்பது பொதுமக்களை வெகுவாக கவர்ந்துள்ளது. தமிழகத்தில் நடப்பாண்டில் சாலைகளில் ஏற்படும் விபத்துக்களை குறைக்கும் வகையில், தமிழக போக்குவரத்துறை சார்பில் ஒரு மாதத்திற்கு சாலை போக்குவரத்து விழிப்புணர்வு நிகழ்ச்சிகள் நடத்தப்பட்டன. இதில் டூவீலர், 4 வீலர் பேரணி, கண் சிகிச்சை முகாம், மரக்கன்று நடுதல், நோட்டீஸ் வினியோகம் என பல்வேறு விழிப்புணர்வு நிகழ்ச்சிகள் நடத்தப்பட்டது. இந்நிலையில், தமிழகம் முழுவதும் உள்ள வட்டார போக்குவரத்து அலுவலகங்களின் காம்பவுண்ட் சுவற்றின் உள்புறத்தில், பொதுமக்களின் பார்வையில் படும் வகையில், விழிப்புணர்வு படங்கள் மற்றும் வாசகங்களை வரைந்து வைக்க வேண்டும் என போக்குவரத்து கமிஷனரால் உத்தரவிடப்பட்டுள்ளது.

இதையடுத்து, மாவட்ட வட்டார போக்குவரத்து அலுவலகத்தின் காம்பவுண்ட் சுவற்றின் உள்புறத்தில், ‘போதிய இடைவெளி விட்டு பின் தொடரவும். மது அருந்தி விட்டு வாகனத்தை இயக்கினால் சட்டப்படி தண்டனைக்கு உட்படுத்தப்படுவார்கள். சரக்கு வாகனத்தில் ஆட்களை ஏற்றக்கூடாது. அவசர ஊர்தி வாகனங்களுக்கு வழி கொடுக்க வேண்டும். பஸ் படிக்கட்டில் பயணம் செய்யக்கூடாது. சரக்கு வாகனத்தில் அதிக பாரம் ஏற்றக்கூடாது என்பது உள்ளிட்ட 30க்கும் மேற்பட்ட படங்களுடன் விழிப்புணர்வு வாசகங்கள், காம்பவுண்ட் சுவற்றில் எழுதி வைக்கப்பட்டுள்ளது. இதை நேற்று வட்டார போக்குவரத்து அலுவலர் தாமோதரன் பார்வையிட்டு ஆலோசனை வழங்கினார். இதுகுறித்து அதிகாரிகள் கூறுகையில், ‘சாலை போக்குவரத்து மாத விழாவின் ஒரு பகுதியாக, தர்மபுரி வட்டார போக்குவரத்து அலுவலகம் மற்றும் அரூர் யூனிட் அலுவலகத்தின் சுற்றுச்சுவர்களில் இந்த அலுவலகங்களுக்கு லைசன்ஸ், புதுப்பித்தல், புதிய வாகன பதிவு உள்ளிட்ட பல்வேறு பணிகளுக்கு வரும் பொதுமக்களுக்கு, சாலை போக்குவரத்து விதிகள் குறித்து விழிப்புணர்வு ஏற்படுத்த படங்கள் வரையப்பட்டுள்ளன,’ என்றார்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்