SUN குழுமத்திலிருந்து வெளிவரும் காலை நாளிதழ்

செங்கல் சூளையில் லோடுமேன் தற்கொலையில் மர்மம் பிரேத பரிசோதனையை வீடியோ எடுக்க அனுமதி கோரி முற்றுகை சீர்காழி ஜிஹெச்சில் பரபரப்பு

4/19/2021 3:09:09 AM

சீர்காழி, ஏப்.19: சீர்காழி அருகே செங்கல் சூளையில் தற்கொலை செய்து கொண்ட லோடுமேன் பிரேத பரிசோதனையை வீடுயோ எடுக்க அனுமதிக்க வேண்டும் எனக்கூறி உறவினர்கள் அரசு மருத்துவமனையை முற்றுகையிட்டதால் பரபரப்பு ஏற்பட்டது. சீர்காழி அருகே நிம்மேலி நடுத்தெரு சீனிவாசன் (40) என்ற லோடுமேன் நெப்பத்தூரில் உள்ள செங்கல் சூளையில் 17ம் தேதி காலை தகர கொட்டகையில் தூக்குப்போட்டு இறந்தார். இதையறிந்த உறவினர்கள் சீனிவாசன் இறப்பில் சந்தேகம் இருப்பதாக கூறி செங்கல் சூளை முற்றுகையிட்டு சாலை மறியலில் ஈடுபட்டனர். மயிலாடுதுறை எஸ்பி நாதா, சீர்காழி ஆர்டிஓ நாராயணன், சீர்காழி தாசில்தார் ஹரிதரன் மறியலில் ஈடுபட்டவர்களிடம் பேச்சுவார்த்தை நடத்தினர்.

அப்போது செங்கல் சூளை உரிமையாளரை கைது செய்ய வேண்டும், செங்கல் சோலையை மூடவேண்டும் என கோரிக்கை வைத்தனர். இதனைத் தொடர்ந்து ஆர்டிஓ நாராயணன் செங்கல் சூளை மூடுவது தொடர்பாக கலெக்டரிடம் தெரிவித்து நடவடிக்கை எடுக்கப்படும் என்றார். எஸ்பி  நாதா பிரேத பரிசோதனை அறிக்கை கிடைத்தவுடன் செங்கல் சூளை உரிமையாளர் மீது நடவடிக்கை எடுக்கப்படும் என்றார். இதைத்தொடர்ந்து சீனிவாசன் உடல் சீர்காழி அரசு மருத்துவமனைக்கு எடுத்துச் செல்லப்பட்டது. நேற்று மதியம் டாக்டர்கள் சீனிவாசன் உடலை பிரேத பரிசோதனை செய்ய முற்பட்டபோது அங்கு திரண்டிருந்த உறவினர்கள் மற்றும் வி.சி.கட்சியினர், பிரேத பரிசோதனை செய்யும்போது இரண்டு வழக்கறிஞர்களையும், வீடியோ எடுக்கவும் அனுமதிக்க வேண்டுமென தெரிவித்தனர்.

இதற்கு மருத்துவர்கள் மறுப்பு தெரிவித்ததாக தெரிகிறது. தொடர்ந்து சீனிவாசன் உடலை பிரேத பரிசோதனை செய்யாமல் இரண்டு நாட்களாக அரசு மருத்துவமனையில் வைக்கப்பட்டுள்ளது. டாக்டர்கள் பிரேத வீடியோ எடுக்கவும் அனுமதிக்காததால் விடுதலை சிறுத்தைகள் கட்சி நிர்வாகிகள் மற்றும் பல்வேறு அமைப்பை சேர்ந்த சேர்ந்தவர்கள் அரசு மருத்துவமனை வளாகத்தில் அமர்ந்து முற்றுகைை போராட்டத்தில் ஈடுபட்டனர். தொடர்ந்து திருவெண்காடு போலீசார் செங்கல் சூளை உரிமையாளர் சீர்காழி சுரேஷ்சந்த் (65), அவரது மகன் சித்தார்த் (35), மேலாளர் பரசலூர் மோகன்ராஜ் (61) ஆகிய 3 பேரையும் கைது விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • mahaa12

    100 கோடி தடுப்பூசி சாதனை கொண்டாட்டம் : மாமல்லபுரம் கோவில்கள் உள்ளிட்ட100 நினைவுச் சின்னங்கள் மூவர்ணத்தில் ஒளிர்ந்தன!!

  • police-21

    காவலர் வீரவணக்க நாள்!: துப்பாக்கி குண்டுகள் முழங்க வீர மரணம் அடைந்தவர்களுக்கு அஞ்சலி செலுத்திய காவல் அதிகாரிகள்..!!

  • kushinagar-modi

    புத்தரின் யாத்திரை தலங்களை இணைக்கும் குஷிநகர் சர்வதேச விமான நிலையத்தை திறந்து வைத்தார் பிரதமர் மோடி!: 130 புத்த துறவிகள் வருகை..!!

  • train-hotel-20

    செம ஐடியா!: ஓட்டை ரயில் பெட்டிகளை ஓட்டலாக மாற்றி அசத்தல்...மும்பையில் திறப்பு..!!

  • wax-museum-19

    துபாயில் மெழுகுச்சிலை அருங்காட்சியகம் திறப்பு!: கிரிக்கெட் வீரர் கோலி, ஷாருக்கான், பிரதமர் மோடி உள்ளிட்டோர் தத்ரூபமாக வடிவமைப்பு..!!

படங்கள் வீடியோ கல்வி சினிமா ஜோ‌திட‌ம்