SUN குழுமத்திலிருந்து வெளிவரும் காலை நாளிதழ்

திருப்போரூர் ஒன்றியம் மயிலை ஊராட்சி செயலர் மீது தாக்குதல்: போலீஸ் விசாரணை

4/19/2021 1:49:48 AM

திருப்போரூர், ஏப்.19: திருப்போரூர் ஒன்றியத்தில், மயிலை ஊராட்சி தலைவர் மீது தாக்குதல் நடந்தது. இதுதொடர்பாக போலீசார் வழக்குப்பதிவு செய்து விசாரிக்கின்றனர். திருப்போரூர் ஒன்றியம் மயிலை ஊராட்சியில் கடந்த 1 ஆண்டாக முறையான குடிநீர் விநியோகம் இல்லை என கூறியும், இதைக் கேட்கும்போது ஊராட்சி செயலாளர் முனுசாமி என்பவர் பொதுமக்களை அவதூறாக பேசுவதாகவும் கூறி, கடந்த 2 நாட்களுக்கு முன் அந்த கிராமத்தை சேர்ந்த பெண்கள் திருப்போரூர் ஒன்றிய அலுவலகத்தை முற்றுகையிட்டு பேராட்டத்தில் ஈடுபட்டனர். இதையடுத்து மண்டல துணை வட்டார வளர்ச்சி அலுவலர் சைமன் ஜெரால்டு, முற்றுகையிட்ட பெண்களிடம், சமரச பேச்சுவார்த்தை நடத்தி குடிநீர் வினியோகம் செய்யும் மோட்டாரில் பழுது ஏற்பட்டுள்ளதாகவும், அது சரி செய்யப்படும் வரை டிராக்டர் மூலம் தெருக்களில் குடிநீர் விநியோகம் செய்யப்படும் என உறுதியளித்தார். இதையடுத்து பொதுமக்கள் கலைந்து சென்றனர்.

இந்நிலையில் ஊராட்சி செயலாளர் முனுசாமி நேற்று காலை 11 மணியளவில் மயிலை ஊராட்சியில் டிராக்டர் மூலம் குடிநீர் விநியோகம் செய்து கொண்டிருந்தார். அப்போது அங்கு வந்த சிலர், இவ்வாறு குடிநீர் விநியோகம் செய்வதற்கு மட்டும் பணம் எப்படி வந்தது. அந்த பணத்தை வைத்து மோட்டாரை சரி செய்து இருக்கலாமே என கேட்டு வாக்குவாதத்தில் ஈடுபட்டனர். இந்த வாக்குவாதத்தில் லோகநாதன் என்பவர், ஊராட்சி செயலாளர் முனுசாமியை தாக்கி கீழே தள்ளியதாக கூறப்படுகிறது. இதுகுறித்து ஊராட்சி செயலாளர் முனுசாமி, திருப்போரூர் போலீசில் புகார் அளித்தார். திருப்போரூர் போலீசார் வழக்குப்பதிவு செய்து விசாரிக்கின்றனர்.

மேலும் செய்திகள்

Like Us on Facebook Dinkaran Daily News
  • indonesia-deaths-5

    இந்தோனேசியாவை பாடாய்படுத்தும் கொரோனா...அதிகரிக்கும் மரணங்கள்...1 லட்சத்தை கடந்த உயிரிழப்பு..!!

  • train-acci-5

    செக் குடியரசில் 2 ரயில்கள் நேருக்கு நேர் மோதி விபத்து!: 3 பேர் உயிரிழப்பு..50க்கும் மேற்பட்டோர் காயம்..!!

  • petrol,disel-4

    எரிபொருள் விலை உயர்வை கண்டித்து நாடாளுமன்றம் நோக்கி எதிர்க்கட்சி தலைவர்கள் சைக்கிள் பேரணி!: புகைப்படங்கள்

  • kalingar-pic-3

    காலம் பொன் போன்றது... கடமை கண் போன்றது!: தமிழக சட்டப்பேரவைவில் கலைஞர் கருணாநிதியின் திருவுருவப்படம் திறப்பு..புகைப்படங்கள்..!!

  • turkey-fire-3

    துருக்கியில் அதிதீவிரமாக பரவி வரும் காட்டுத்தீயால் ஒரு நகரமே கருகியது!: ஆயிரக்கணக்கானோர் வீடுகளை இழந்து பரிதவிப்பு..!!

படங்கள் வீடியோ கல்வி சினிமா ஜோ‌திட‌ம்