SUN குழுமத்திலிருந்து வெளிவரும் காலை நாளிதழ்

பெண் கொலை செய்யப்பட்ட வழக்கில் குற்றவாளிகளை குண்டர் தடுப்பு சட்டத்தில் கைது செய்ய வேண்டும் தவாக வேல்முருகன் பேட்டி

4/18/2021 4:05:55 AM

கடலூர், ஏப். 18: கள்ளக்குறிச்சி மாவட்டம் உளுந்தூர்பேட்டை அருகே உள்ள தேவியானந்தல் கிராமத்தை சேர்ந்த இளம்பெண் சரஸ்வதி கொலை சம்பவத்தை தொடர்ந்து கடலூரில் அவரது குடும்பத்திற்கு நிவாரணம் வழங்கும் நிகழ்ச்சி நடந்தது.
இதில் கலந்துகொண்ட தமிழக வாழ்வுரிமை கட்சி நிறுவனர் வேல்முருகன் நிருபர்களிடம் கூறியதாவது: தேவியானந்தல் கிராமத்தில் இளம்பெண் சரஸ்வதி என்பவரை 3 பேர் காட்டுமிராண்டித்தனமாக கொலை செய்துள்ளனர். இந்த கொலை குற்றவாளிகளை கடுமையாக தண்டிக்க நடவடிக்கை மேற்கொள்ள வேண்டும்.  குற்றவாளிகளை குண்டர் தடுப்பு சட்டத்தின் கீழ் கைது செய்ய வேண்டும். அரக்கோணம் கொலை சம்பவத்தில் குற்றவாளிகள் கடுமையாக தண்டிக்கப்பட வேண்டும். மறைந்த நகைச்சுவை நடிகர் விவேக் எனக்கு சிறந்த நண்பர், அவரை இழந்து வாடும் திரையுலகத்திற்கும், அவரது குடும்பத்திற்கும் எனது ஆழ்ந்த இரங்கலை தெரிவித்துக்கொள்கிறேன். இவ்வாறு அவர் கூறினார். இதையடுத்து, உயிரிழந்த சரஸ்வதி குடும்பத்திற்கு தமிழக வாழ்வுரிமை கட்சி சார்பிலும், நெய்வேலி சபா ராஜேந்திரன் எம்எல்ஏ சார்பிலும் தலா ரூ.1 லட்சம் என ரூ.2 லட்சம் நிவாரணம் வழங்கப்பட்டது. இதில், தமிழக வாழ்வுரிமை கட்சி நிர்வாகிகள் பொறியாளர் கண்ணன், மாவட்ட செயலாளர் ஆனந்த், அருள், செந்தில் உள்ளிட்ட பலர் கலந்து கொண்டனர்.

மேலும் செய்திகள்

Like Us on Facebook Dinkaran Daily News
  • ambedkar

    சட்டமேதை அம்பேத்கரின் 65வது நினைவு நாள்: குடியரசுத்தலைவர் ராம்நாத் கோவிந்த், பிரதமர் நரேந்திர மோடி உள்ளிட்டோர் மலர்தூவி மரியாதை..!!

  • AIADMK

    பன்னீர்செல்வம், பழனிசாமி போட்டியின்றி தேர்வு

  • animal-snake-6

    சென்னை பாம்பு பண்ணையில் உள்ள பிரத்யேக விலங்குகளுக்கு உணவு அளித்து மகிழும் பார்வையாளர்கள்..!!

  • trichy 06

    திருச்சி ஸ்ரீரங்கம் ரங்கநாதர் கோயிலில் வைகுண்ட ஏகாதசி விழாவின மூன்றாம் நாளாக அர்ச்சுன மண்டபத்தில் எழுந்தருளியுள்ள ஆழ்வார்கள்

  • sandart-18----

    ஒடிசாவில் கண்களுக்கு விருந்து படைக்கும் சர்வேதேச மணற்சிற்ப திருவிழா!: பார்வையாளர்கள் பிரம்மிப்பு..!!

படங்கள் வீடியோ கல்வி சினிமா ஜோ‌திட‌ம்