SUN குழுமத்திலிருந்து வெளிவரும் காலை நாளிதழ்

முகக்கவசம் அணிந்தால் மட்டுமே தென்னம்பாளையம் மார்க்கெட்டில் அனுமதி

4/18/2021 3:44:24 AM

திருப்பூர், ஏப். 18: திருப்பூர் தென்னம்பாளையம் மார்க்கெட்டில் முககவசம் அணிந்திருந்தால் மட்டுமே அனுமதிக்கப்படுவார்கள் என மாநகராட்சி சார்பில் அறிவிக்கப்பட்டுள்ளது. திருப்பூர் பல்லடம் ரோட்டில் உள்ள தென்னம்பாளையத்தில் காய்கறி, மீன், இறைச்சி விற்பனை செய்யும் கடைகள் ஏராளமானவை உள்ளன. இந்த கடைகளுக்கு வருகிற பொதுமக்கள் தங்களுக்கு தேவையான பொருட்களை வாங்கி செல்வது வழக்கம். இந்த சந்தையில் வழக்கமான நாட்களை விட விடுமுறை நாளான ஞாயிற்றுக்கிழமை கூட்டம் அதிகமாக காணப்படும். இந்நிலையில், கடந்த ஞாயிற்றுக்கிழமை காலை ஆயிரக்கணக்கானோர் மார்க்கெட்டில் திரண்டனர். இதில் பெரும்பாலானோர் முகக்கவசம் அணியாமலும், சமூக இடைவெளியை பின்பற்றாமலும் நடந்து கொண்டனர். இது சமூக ஆர்வலர்களிடையே அதிர்ச்சியை ஏற்படுத்தியது.

தற்போது கொரோனா பாதிப்பு மாவட்டத்தில் அதிகரித்து வரும் நிலையில், கொரோனா விதிமுறைகளை கடுமையாக்க வேண்டும் எனவும் கோரிக்கை எழுந்தது. இதையடுத்து,இன்று ஞாயிற்றுக்கிழமை விடுமுறை தினம் என்பதால் தென்னம்பாளையம் காய்கறி, மீன், இறைச்சி சந்தைக்கு ஏராளமானவர்கள் வாகனங்களில் வருவார்கள் என்பதால், சந்தையில் நுழைவு வாயில் பகுதியில் தடுப்புகள் வைக்கப்பட்டுள்ளன. மேலும், சந்தையின் அனைத்து பகுதிகளிலும் கிருமி நாசினி மூலம் சுத்தம் செய்யப்பட்டன. மேலும், மாநகராட்சி சார்பில் அறிவிப்பு பலகை வைக்கப்பட்டுள்ளது. அதில், முகக்கவசம் அணிந்திருப்பவர்கள் மட்டுமே மார்க்கெட் உள்ளே அனுமதிக்கப்படுவீர்கள். மார்க்கெட் நுழைவுவாயில் முன்பு அமைக்கப்பட்டுள்ள வாஷ்பேஷனில் கைகளை சுத்தம் செய்துவிட்டு மார்க்கெட் உள்ளே வரவும். சமூக இடைவெளியை கண்டிப்பாக பின்பற்ற வேண்டும் என அதில் தெரிவிக்கப்பட்டுள்ளது.

மேலும் செய்திகள்

Like Us on Facebook Dinkaran Daily News
  • ambedkar

    சட்டமேதை அம்பேத்கரின் 65வது நினைவு நாள்: குடியரசுத்தலைவர் ராம்நாத் கோவிந்த், பிரதமர் நரேந்திர மோடி உள்ளிட்டோர் மலர்தூவி மரியாதை..!!

  • AIADMK

    பன்னீர்செல்வம், பழனிசாமி போட்டியின்றி தேர்வு

  • animal-snake-6

    சென்னை பாம்பு பண்ணையில் உள்ள பிரத்யேக விலங்குகளுக்கு உணவு அளித்து மகிழும் பார்வையாளர்கள்..!!

  • trichy 06

    திருச்சி ஸ்ரீரங்கம் ரங்கநாதர் கோயிலில் வைகுண்ட ஏகாதசி விழாவின மூன்றாம் நாளாக அர்ச்சுன மண்டபத்தில் எழுந்தருளியுள்ள ஆழ்வார்கள்

  • sandart-18----

    ஒடிசாவில் கண்களுக்கு விருந்து படைக்கும் சர்வேதேச மணற்சிற்ப திருவிழா!: பார்வையாளர்கள் பிரம்மிப்பு..!!

படங்கள் வீடியோ கல்வி சினிமா ஜோ‌திட‌ம்