SUN குழுமத்திலிருந்து வெளிவரும் காலை நாளிதழ்

பஞ்சு ஏற்றுமதியை 3 மாதத்துக்கு தடை செய்ய சைமா வலியுறுத்தல்

4/18/2021 3:43:55 AM

திருப்பூர், ஏப். 18: பஞ்சு ஏற்றுமதியை 3 மாதத்துக்கு முழுமையாகத் தடை செய்து உள்நாட்டு நூல் உற்பத்தியை உயர்த்த வேண்டும் என்று சைமா சங்கம் வலியுறுத்தியுள்ளது. இதுகுறித்து தென்னிந்திய பனியன் உற்பத்தியாளர்கள் சங்கத்தின் (சைமா) தலைவர் வைகிங் ஈஸ்வரன் வெளியிட்டுள்ள அறிக்கையில் கூறியுள்ளதாவது: திருப்பூர் பின்னலாடை உற்பத்திக்கு முக்கிய மூலப்பொருளான நூல் விலையானது கடந்த 6 மாதமாக தொடர்ந்து உயர்ந்து வருகிறது. இதன்காரணமாக திருப்பூரில் உள்ள பின்னலாடை உற்பத்தியாளர்கள் கடந்த மார்ச் 15-ம் தேதி அடையாள வேலை நிறுத்தத்திலும் ஈடுபட்டனர். இதன் பிறகும் நூல் விலை தொடர்ந்து உயர்ந்து வருவது தொடர்பாக திருப்பூர் நாடாளுமன்ற உறுப்பினர் சுப்பராயனும் மத்திய அரசுக்கு கடிதம் எழுதியுள்ளார். எனினும் நூல் விலை உயர்வு காரணமாக பின்னலாடை உற்பத்தியாளர்கள் கடுமையான பொருளாதார நெருக்கடியை சந்தித்து வருகின்றனர். ஆகவே, பஞ்சு ஏற்றுமதியை 3 மாதத்துக்கு முழுமையாகத் தடை செய்து உள்நாட்டு நூல் உற்பத்தியை உயர்த்த வேண்டும். நூல் ஏற்றுமதியை 50 சதவீதமாகக் குறைத்து உள்நாட்டு பின்னலாடை உற்பத்தியாளர்களுக்கு தட்டுப்பாடு மற்றும் விலை உயர்வு இல்லாமல் நூல் விற்பனை செய்ய வேண்டும் என்று மத்திய அரசுக்கு கடிதம் எழுதப்பட்டுள்ளது.

மேலும் செய்திகள்

Like Us on Facebook Dinkaran Daily News
  • ambedkar

    சட்டமேதை அம்பேத்கரின் 65வது நினைவு நாள்: குடியரசுத்தலைவர் ராம்நாத் கோவிந்த், பிரதமர் நரேந்திர மோடி உள்ளிட்டோர் மலர்தூவி மரியாதை..!!

  • AIADMK

    பன்னீர்செல்வம், பழனிசாமி போட்டியின்றி தேர்வு

  • animal-snake-6

    சென்னை பாம்பு பண்ணையில் உள்ள பிரத்யேக விலங்குகளுக்கு உணவு அளித்து மகிழும் பார்வையாளர்கள்..!!

  • trichy 06

    திருச்சி ஸ்ரீரங்கம் ரங்கநாதர் கோயிலில் வைகுண்ட ஏகாதசி விழாவின மூன்றாம் நாளாக அர்ச்சுன மண்டபத்தில் எழுந்தருளியுள்ள ஆழ்வார்கள்

  • sandart-18----

    ஒடிசாவில் கண்களுக்கு விருந்து படைக்கும் சர்வேதேச மணற்சிற்ப திருவிழா!: பார்வையாளர்கள் பிரம்மிப்பு..!!

படங்கள் வீடியோ கல்வி சினிமா ஜோ‌திட‌ம்