SUN குழுமத்திலிருந்து வெளிவரும் காலை நாளிதழ்

திருவொற்றியூர் கல்யாண வரதராஜ பெருமாள் கோயில் கும்பாபிஷேகத்தை விரைந்து நடத்த வேண்டும்: அறநிலையத்துறைக்கு உயர் நீதிமன்றம் உத்தரவு

4/15/2021 1:10:20 AM

சென்னை, ஏப்.15: திருவொற்றியூர் கல்யாண வரதராஜ பெருமாள் கோயில் கும்பாபிஷேகத்தை விரைந்து நடத்த வேண்டும் என்று இந்து சமய அறநிலையத்துறைக்கு சென்னை உயர் நீதிமன்றம் உத்தவிட்டுள்ளது. திருவொற்றியூரை சேர்ந்த எஸ்.கிருபாகரன் உயர் நீதிமன்றத்தில் தாக்கல் செய்துள்ள மனுவில், கல்யாண வரதராஜ பெருமாள் என்ற பழமையான கோயில் திருவொற்றியூரில் உள்ளது. கடந்த ஆண்டு ரூ.37.50 லட்சம் செலவில் இந்த கோயிலின் ராஜகோபுரம் கட்டி முடிக்கப்பட்டது. ஆனால், இதுவரை கோயில் கும்பாபிஷேகம் நடத்தப்படவில்லை. இதற்கிடையே ராஜகோபுரத்தில் பூசப்பட்ட வர்ணங்கள் நிறம் மாறத்தொடங்கியுள்ளன. கோபுரத்தில் பல இடங்களில் கீறல்களும் விழுந்துள்ளன.

எனவே, இந்த கோயிலில் உடனடியாக கும்பாபிஷேகம் நடத்துமாறு இந்து சமய அறநிலையத்துறை ஆணையர், துணை ஆணையர் உள்ளிட்டோருக்கு உத்தரவிட வேண்டும் என்று கோரியிருந்தார். இந்த மனு நீதிபதி அனிதா சுமந்த் முன்பு விசாரணைக்கு வந்தது. மனுதாரர் தரப்பில் வக்கீல் துரைராஜ் ஆஜரானார். மனுவை விசாரித்த நீதிபதி, திருவொற்றியூர் கல்யாண வரதராஜ பெருமாள் கோயில் கும்பாபிஷேகத்தை விரைவாக நடத்துமாறு இந்து சமய அறநிலையத்துறை நடவடிக்கை எடுக்க வேண்டும் என்று உத்தரவிட்டார்.

மேலும் செய்திகள்

Like Us on Facebook Dinkaran Daily News
  • ooty_flower

    பூத்துக்குலுங்கும் வண்ண மலர்களோடு இன்று தொடங்கியது உதகை மலர் கண்காட்சி..!!

  • bharat111

    சென்னை ஐசிஎப் தொழிற்சாலையில் வந்தே பாரத் ரயில் பணிகள் : ஒன்றிய அமைச்சர் அஸ்வினி வைஷ்ணவ் ஆய்வு

  • charles_kameela

    3 நாள் சுற்றுப்பயணமாக இளவரசர் சார்லஸ்- கமிலா தம்பதி கனடா வருகை

  • arungatchimmaa1

    சர்வதேச அருங்காட்சியக தினம் : நாடு முழுவதும் உள்ள அருங்காட்சியங்களில் குவிந்த மக்கள்!!

  • porkappal1

    முற்றிலும் இந்தியாவில் தயாரிக்கப்பட்ட 2 போர்க்கப்பல்களை நாட்டுக்கு அர்ப்பணித்தார் ராஜ்நாத்சிங்

படங்கள் வீடியோ கல்வி சினிமா ஜோ‌திட‌ம்