SUN குழுமத்திலிருந்து வெளிவரும் காலை நாளிதழ்

சாலைகளில் கால்நடைகளை கட்டுப்படுத்த கோரி ஆத்தூர் பேரூராட்சி அலுவலகம் முற்றுகை

4/8/2021 1:52:13 AM

ஆறுமுகநேரி, ஏப்.8: சாலைகளில் சுற்றித்திரியும் கால்
நடைகளை கட்டுப்படுத்த கோரி ஆத்தூர் பேரூராட்சி அலுவலகத்தை பொதுமக்கள் முற்றுகையிட்டு போராட்டம் நடத்தினர்.  ஆத்தூர் மெயின் பஜார், முக்கிய வீதிகள் மற்றும் பொதுஇடங்களில் மாடுகள் அதிகளவில் சுற்றி வருகின்றன. இதனால் வாகனஓட்டிகள், பொதுமக்கள் கடும் சிரமத்திற்கு ஆளாகின்றனர். சில நேரங்களில் சாலைகளில் சுற்றித் திரியும் மாடுகளால் விபத்துக்கள் ஏற்படுகின்றன. இதனை கண்டித்து நேற்று காலை 11 மணியளவில் ஆத்தூர் பஜார் வியாபாரிகள் சங்கத்தினர், யாதவர் சமுதாய மக்கள், நாம் தமிழர் கட்சி நிர்வாகிகள் மற்றும் பெண்கள் உட்பட 50க்கும் மேற்பட்டோர் ஆத்தூர் பேரூராட்சி அலுவலகத்தை முற்றுகையிட்டு போராட்டம் நடத்தினர்.  இதனையடுத்து பேரூராட்சி நிர்வாக அதிகாரி மணிமொழிசெல்வன் ரெங்கசாமி, ஆத்தூர் இன்ஸ்பெக்டர் சாகுல்ஹமீது ஆகியோர் போராட்டம் நடத்தியவர்களிடம் பேச்சுவார்த்தை நடத்தினர். பின்னர் பேரூராட்சி மூலம் சாலைகளில் சுற்றிதிரியும் கால்நடைகளை கட்டுப்படுத்த உரிய நடவடிக்கை உடனே எடுக்கப்படும் என தெரிவிக்கப்பட்டது. இதனையடுத்து பொதுமக்கள் மற்றும் வியாபாரிகள் தங்கள் போராட்டத்தை விலக்கிகொண்டு கலைந்து சென்றனர். இதனால் ஆத்தூர் பேரூராட்சி அலுவலகத்தில் நேற்று காலை பரபரப்பாக காணப்பட்டது.

மேலும் செய்திகள்

Like Us on Facebook Dinkaran Daily News
  • jammu-flood-29

    ஜம்மு காஷ்மீர் மற்றும் இமாச்சலில் மேக வெடிப்பால் பெருவெள்ளம், நிலச்சரிவு!: 22 பேர் உயிரிழப்பு..பலர் மாயம்..!!

  • u.p.lorry-bus-acc

    உ.பி.யில் கோர விபத்து!: பேருந்து மீது லாரி மோதியதில் சாலையில் தூங்கிய 18 தொழிலாளர்கள் உடல் நசுங்கி பலி..!!

  • sand-storm-china

    அடுத்தடுத்து தாக்கும் இயற்கை பேரிடர்களால் ஸ்தம்பிக்கும் சீனா!: 350 அடி உயரத்திற்கு வீசிய மணல் புயலால் மக்கள் அவதி..!!

  • plastic-vaste-girl

    கடலில் கொட்டி கிடக்கும் பிளாஸ்டிக் கழிவுகளை தந்தையின் உதவியுடன் அகற்றும் 4 வயது சிறுமி..!!

  • farmeee112

    "பக்கபலமாக மட்டுமல்ல, களத்திலும் நிற்போம்!" : டெல்லி போராட்டத்தில் பெண் விவசாயிகள்

படங்கள் வீடியோ கல்வி சினிமா ஜோ‌திட‌ம்