SUN குழுமத்திலிருந்து வெளிவரும் காலை நாளிதழ்

டெக்ஸ்டைல் தொழில் மேம்பாட்டுக்கு ஜவுளி பரிசோதனை கூடம் திறப்பு

3/7/2021 4:54:58 AM

கோவை, மார்ச் 7: கோவையில் டெக்ஸ்டைல் தொழில் மேம்பாட்டுக்காக ஜவுளி பரிசோதனை கூடம் திறக்கப்பட்டுள்ளது. கோவை மற்றும் அதன் சுற்றுப்புற பகுதிகளில் உள்ள ஜவுளித்தொழில் மேம்பாட்டுக்காக, தென்னிந்திய நூற்பாலைகள் சங்கம் (சிஸ்பா) மற்றும் பீளமேட்டில் உள்ள தென்னிந்திய ஜவுளி ஆராய்ச்சி கழகம் (சிட்ரா) ஆகியவை சார்பில், சிஸ்பா வளாகத்தில் ஜவுளி பரிசோதனை கூடம் அமைக்கப்பட்டுள்ளது. இதன் திறப்பு விழாவுக்கு சிஸ்பா தலைவர் முருகேசன் தலைமை தாங்கினார். இப்பரிசோதனை கூடத்தை, சிஸ்பா முன்னாள் தலைவர் சவுந்தர்ராஜன் துவக்கிவைத்தார்.

பின்னர் அவர் பேசுகையில், ‘’கோவை மற்றும் அதன் சுற்றுப்புற பகுதிகளில் உள்ள குறு, சிறு மற்றும் நடுத்தர டெக்ஸ்டைல் நிறுவனங்கள் பயன்பெறும் வகையில், இந்த பரிசோதனை கூடம் அமைக்கப்பட்டுள்ளது. இங்கு, பருத்தி மற்றும் நூலிழைகளின் இயல்பு ஆகியவற்றை, சர்வதேச தரத்தில், அதிநவீன ஆய்வக கருவி மூலம் பரிசோதனை செய்துகொள்ளலாம். இதன்மூலம், ஜவுளித்துறையில் தொழில்நுட்ப ரீதியான பிரச்னைகளுக்கு தீர்வுகாண முடியும்’’ என்றார்.

நிகழ்ச்சியில், சிட்ரா இயக்குனர் டாக்டர் பிரகாஷ் வாசுதேவன், சிஸ்பா துணை தலைவர் ஜெகதீஷ் சந்திரன், இந்திய ஜவுளி கூட்டமைப்பு தலைவர் ராஜ்குமார், இந்திய பருத்தி கூட்டமைப்பு தலைவர் துளசிதரன், ரூட்ஸ் நிறுவன இயக்குனர் கவிதாசன், சிஸ்பா துணை தலைவர்கள் செல்வன், விஜயகுமார், இணை செயலாளர் அருண் கார்த்திக், மேலாளர் வெங்கடேஷ் பிரபு, சிஸ்பா கவுரவ செயலாளர் வெங்கடேசன் உள்பட பலர் பங்கேற்றனர்.

மேலும் செய்திகள்

Like Us on Facebook Dinkaran Daily News
  • oxygen-22

    ஆக்சிஜன் வாயு கசிந்து விபத்து: நாசிக் மருத்துவமனையில் மூச்சுத்திணறி 24 நோயாளிகள் பரிதாப மரணம்..!!

  • oxyyge11

    ஆக்சிஜன் சிலிண்டர் நிரப்பும் மையங்களுக்கு படையெடுக்கும் மக்கள்; இரவு, பகலாக நீண்ட வரிசையில் காத்திருப்பு; இந்தியாவில் அவலநிலை!!

  • koronaasadaaa1

    குவியல் குவியலாக கொரோனா சடலங்கள் எரிப்பு.. ஆம்புலன்சில் காத்து கிடைக்கும் நோயாளிகள்.. கண்ணீர் ததும்ப வைக்கும் படங்கள்!!

  • black-girl22

    அமெரிக்காவில் போலீசாரின் துப்பாக்கிச் சூட்டில் கருப்பின சிறுமி பலி!: வெடித்தது பெரும் போராட்டம்..!!

  • 22-04-2021

    22-04-2021 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்