மதுரை, மார்ச் 6: மதுரை அருகே உள்ள விரகனூரை சேர்ந்தவர் குண்டுமலை. இவர் கடந்த 3ம் தேதி வீட்டை பூட்டிவிட்டு உறவினர் வீட்டு விசேஷத்திற்கு வெளியூர் சென்றுவிட்டார். திரும்பி வந்து பார்த்தபோது அவரது வீடு எரிந்த நிலையில் இருந்தது. வீட்டிலிருந்த பொருட்களும் எரிந்து சாம்பலாகிவிட்டன. இவர் ஊரில் இல்லாத நேரத்தில் மர்ம நபர்கள் வீட்டிற்கு தீ வைத்துள்ளனர். இதுகுறித்து குண்டுமலை கொடுத்த புகாரின் பேரில் சிலைமான் போலீசார் வழக்குப்பதிவு செய்து, வீட்டை எரித்த மர்ம நபர்கள் குறித்து விசாரித்து வருகின்றனர்.