பொன்னமராவதி, மார்ச் 5: பொன்னமராவதி அருகே கொன்னையூர் முத்துமாரியம்மன் கோயிலில் ரூ.4.63 லட்சம் உண்டியல் காணிக்கை வசூலானது. பொன்னமராவதி அருகே உள்ள கொன்னையூர் முத்துமாரியம்மன் கோயில் பங்குனி திருவிழா வரும் 14ம் தேதி பூச்சொரிதல் விழாவுடன் துவங்குகிறது. இதனால் திருவிழாவுக்கு முன் கோயில் காணிக்கை உண்டியல் எண்ணுவது வழக்கம். இதன்படி நேற்று கோயில் உண்டியலில் பக்தர்களின் காணிக்கை எண்ணும் பணி துவங்கியது.
புதுக்கோட்டை உதவி ஆணையர் சுரேஷ், கோயில் செயல் அலுவலர் வைரவன், ஆய்வாளர் ராமகிருஸ்ணன் முன்னிலை வகித்தனர். கோயில் பணியாளர்கள், மாணவர்கள், வங்கி பணியாளர்கள் மற்றும் தன்னார்வலர்கள் பங்கேற்று உண்டியலில் காணிக்கை எண்ணும் பணியில் ஈடுபட்டனர். இதில் 4,63,743 ரொக்கம் மற்றும் தங்கம் 32 கிராம், வெள்ளி 87 கிராம் இருந்தது.