சிவகங்கை, மார்ச் 4: சிவகங்கை மாவட்டத்தில் மதுபாட்டில்கள் விற்பனை கடத்தல்களை தடுக்க அதிகாரிகள் நியமிக்கப்பட்டுள்ளனர். மாவட்ட நிர்வாகம சார்பில் தெரிவித்துள்ளதாவது, சிவகங்கை மாவட்டத்தில் சட்டமன்ற பொதுத்தேர்தல் நடத்தை விதிகள் நடைமுறையில் உள்ள நிலையில் திருட்டுத்தனமாக மதுபாட்டில்கள் விற்பனை, மதுபான பாட்டில்கள் கடத்தல்களை தடுக்கவும், கட்டுப்படுத்தவும் மற்றும் மதுபானக் கடைகளில் தினசரி விற்பனையை கண்காணிக்கவும், மதுபானம் தொடர்பான புகார்கள் மீது நடவடிக்கை எடுக்கப்பட்டுள்ளது.

சிவகங்கை டாஸ்மாக் உதவி மேலாளர் வேலுமணி கலெக்டர் அலுவலக கட்டுப்பாட்டு அறையிலும் மற்றும் சிவகங்கை டாஸ்மாக் உதவி மேலாளர் முகம்மதுசெரீப் பறக்கும் படையிலும் மதுபான கடத்தல்களை கண்காணிக்கும் வகையில் நியமனம் செய்யப்பட்டுள்ளனர். இவர்கள் மாவட்டம் முழுவதும் கண்காணிப்பில் ஈடுபடுவர். மதுபான கடத்தல் தொடர்பான புகார்களை 88384 49760 என்ற எண்ணில் தெரிவிக்கலாம். இவ்வாறு தெரிவிக்கப்பட்டுள்ளது.